|
عتاب اغراب
السلام عليكم ودي اسمعكم اخر قصيده ويهمني رايكم على الميعاد جيت وما بقى لي غير ادق الباب عسى ما تجفل ايديني وقلبي يخلف اظنوني على موعد لقى والحظ دايم بين ظرس وناب عنت فيني مشاوير الظلام وتاهت سنيني الا يا حظ وش عقبه تجيني والجروح عطاب تعاتبني على طول انتظاري وانت ناسيني هذاك اول تواعدني كثير وعارفك كذاب اطيعك واتبعك يا حظ تامرني وتنهيني بعد ما تمكنت مني جروح الغدر ظني خاب بعدها جيت ياحظي تقول انك توديني وش تعالج وش تداوي جروحي مالها طباب بلملم ما بقى منها وادور من يواسيني الا ياحظ انا وياك لا يمكن نكون اصحاب تعاندني على مر الزمان ولا تعديني وفي لحظة عتابي قمت من نشوت عتاب اغراب وصدق الواقع اللي ما تغير شفته بعيني وشفت الباب صدقه صار ريشه في جناح غراب ضحكت وقلت لك يا حظ لا يمكن تخليني وسلامتكم |
ياسلاااااااااام يامبدع
|
على الميعاد جيت وما بقى لي غير ادق الباب عسى ما تجفل ايديني وقلبي يخلف اظنوني صح لسانك يا بن عون الشريف |
صح لسانك وبيض الله وجهك يابن عون..
طاروق جديد غير اللي قريته لكم في المنتدى على ما اظن.. وهذه اضافة رائعة لقسم الشعر بالمنتدى تسجل في سجلات تميزكم الدائم.. ونتطلع إلى لمثل هذه القصيدة وشرواها.. وكم تحياتي |
رائع يالاجهر
صح لسانك ولاهنت تقبل مروري ومتابعتي دمت بخير |
اخو بتلة \\الهدهود\\شريف العين\\ الشرعان صح الله ابدانكم شرفني مروركم واطرائكم وتسلمون ورايكم اعتز فيه |
صح لسانك -- على الميعاد جيت وما بقى لي غير ادق الباب
عسى ما تجفل ايديني وقلبي يخلف اظنوني -- لاشك ان هذا البيت رائع ولا شك انك شاعر --لكن اظن انك تتقبل النقد بصدر رحب وذلك ليكون الشعر في طور الانماء ولك حق الرد علي ان لم يعجبك رايي --- هذا البيت @ وفي لحظة عتابي قمت من نشوت عتاب اغراب وصدق الواقع اللي ما تغير شفته بعيني@ الكلمه الاخيره اشوف ان فيها ثقل اشوي اما القصيده عموما فهي متوسطة المستوى --- ارجو تقبل مني ذلك فانا لست بشاعر لكني احب الشعر واتذوقه |
حياك الله اخوي الراوي وتسلم على المرور والملاحظات |
|
صح بدنك يا ابن العم وابشر باللي يسرك |
| الساعة الآن 10:42 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir