ما يفيد النصح في عشق الصقاره
 

ما يفيد النصح في عشق الصقاره

http://s.alriyadh.com/2013/01/04/img/559569954836.jpg



مات طيري مير كيف القى بديله
صافي(ن) لونه ومغتر في حَماره
اشهد ان حلاه نادرة(ن) قليله
القطوع الطيبه غير السطاره
جوهر(ن) عايز وممسوح(ن) شليله
ومن مجسه ما يغطي الكف زاره
والقحوف تقول غيران(ن) ظليله
غير بوز(ن) ضمته فيها جباره
والمناخر بيت نمل(ن) له نثيله
لو تعرض للهواء ما خلف طياره
والله إني مبطي(ن) عن هالفصيله
يختلف بالزين وشوية نزاره
ما يهاب الخرب لو كوش يشيله
صامل(ن) فعله ومع فعله شطاره
يلحق اللي تختفي يم المخيله
لو تروح مع الفضا كبر الشراره
زين طلعه لن بدا راس الطويله
صادق(ن) بالطلع لو هو فالغماره
من يقول الطير كبه لا تشيله
ماوراه الا التعب هو والخساره
ولا يفيد النصح بقلوب(ن) هبيله
مايفيد النصح في عشق الصقاره
والختم صلوا على راعي الفضيله
الرسول اللي شرع دين الطهاره

مسند مازن الميزاني