|
انت والفايد سوى اجتمعتو فالهوى مالقيت الكم دوى ما دريت ان ابن سلمى ودع العشق وسعادي وانت ما نقدر عليك مالك بشعرك شريك شنفرى والا السليك الصعاليك ابلشونا حولو في وسط وادي ملاحظه::اول مره العب هالطاروق |
رد
يامرحبا بشعار المنتدى الغالى على قلوب الجميع ودى يابو بشيت الفايد أترك المجال لك ولباقى الأخوان الكرام بس ابن عون الشريف ماوده يخلينا وحنا بعد ماودنا ولكن اللعب مفتوح والطاروق ممتع وبشر بالرد يابو بشيت الفايد وهذا بعد أذننك ياالغالى استلم ياابن عون الشريف جعل فالك لك يطيب يسعد القلب العطيب الدوا عند الطبيب ياعسى قلب المعنى يسعده رب العبادى مرحبا ياابن الشريف قولكم قولٍ ظريف إلعب اللعب الطريف لاتجى للناس هازى أسمع القول الوكادى |
الله الله
صح السانكم يشرفني اني أول المتابعين وعندي لكم اقتراح دامه طاروق جديد ليه ما تخلونه بموضوع جديد عشان يسهل متابعته |
حاضرين للشيوخ سيتم فتح صفحه جديده خاصه للطاروق الجديد فى هذه المحاوره
بعنوان ((الطاروق الجديد)) |
طيرك الطاير هوى
والمشاكل بالهوى النوى ماهو نوى يامغمض عينك اليمنه ترى منت ابقيادي امك الحره تبيك طيعها غصب عليك جيتنا والانجيك عمك المجنون هذا مايحب الا العنادي عوووني |
اشكر جميع اخواني اللي شاركوني في المحاوره والاخ عوني مدري والله البيت موجه لي ؟؟؟ اذا لي انا يا خوك لعبته مع اخوي الكبير الجسار اذا تبي تلعب غير الطاروق ------وما علي اخلاف لو تجتمع شعارها |
أسعدنى مرور شاعرنا الفذ بن عون الشريف وأسعد الله أيامك ولنا لقاء معك بإذن الله ياشاعرنا العزيز
وأشكر كل من شارك من أخوانا الأعزاء وأسعدنى مرور الجميع ودمتم سالمين |
مشكور الجسـار وبارك الله فيك وهذا طاروق واللي قلبه فيه يرد سلام تسليم مسلم ما يعوف السلام للي يعرفون سيف السلم من سلته ويـن الشواعيـر تـوه زان عذب الكـلام و هلال شهر رمضان نصوم مع هلته قافية الصدر لام--والعجز---لته |
ابن عون الشريف
انت مبدع انت مبدع واقسم بالله مبدع حي هالشوف والله ولاقصور بالباقيين انت اسمك قادرها كفو وكفو يابن جسار جزل اي والله جزل الله يكثركم ياشعارنا |
الله لا يهينك يا اخو بتله ويقولون الجميل يحب كل جميل بس الله يستر منك لا تطلع كاشفنا |
اقتباس:
المشاركة الأصلية كتبت بواسطة بن عون الشريف http://www.alowanah.com/vb/emkw_alow...s/viewpost.gif مشكور الجسـار وبارك الله فيك وهذا طاروق واللي قلبه فيه يرد سلام تسليم مسلم ما يعوف السلام للي يعرفون سيف السلم من سلته ويـن الشواعيـر تـوه زان عذب الكـلام و هلال شهر رمضان نصوم مع هلته قافية الصدر لام--والعجز---لته مرحبا بالطيب والطيب سلمن للكرام وسيف غيرك من قديمن نداوي علته سل سيفك يافتى لاتجي كاس الحمام والكلاش يثور واحذر تصيبك طلقته صحح لي اخطائي لاستفيد منك ياشاعرنا....اقتباس: المشاركة الأصلية كتبت بواسطة بن عون الشريف http://www.alowanah.com/vb/emkw_alow...s/viewpost.gif مشكور الجسـار وبارك الله فيك وهذا طاروق واللي قلبه فيه يرد سلام تسليم مسلم ما يعوف السلام للي يعرفون سيف السلم من سلته ويـن الشواعيـر تـوه زان عذب الكـلام و هلال شهر رمضان نصوم مع هلته قافية الصدر لام--والعجز---لته مرحبا بالطيب والطيب سلمن للكرام وسيف غيرك من قديمن نداوي علته سل سيفك يافتى لاتجي كاس الحمام والكلاش يثور واحذر تصيبك طلقته صحح لي اخطائي لاستفيد منك ياشاعرنا.... |
اشكرك اخوي عوني وما قصرت على تجاوبك معي وانا ما اصلح لغيري اذا كان تقصد الوزن اسئل الجسار وصاحبه ابو بشيت هم اعلم مني بالاوزان واذا قصدك القافيه انت ما التزمت فيها وراجع فوق لاكن تسلم على المشاركه وما قصرت |
ياسلام الله عليكم عد مانادا للصلاه @@@ في بني عون اشراف العرب وخيارها والمعاني عندي مثل حذف الحصاه @@@ والطواريق ماهمني اجزالها واكبارها
|
ياسلام الله عليكم سلام اسلام @@@ سلام يصب للنشاما من صافي دلته @@@ وان بغيتوا النصيحه قبل مسك الختام @@@ اقروا القران في جوف الليل واحسنوا ترتيلته
|
السلام عليكم
مشاهد فقط للردود:)
|
حياكم الله اخواني وتسعدني مشاركاتكم ومشكورين على المرور وانا لحد الحين انطر رد |
ممكن تحدد ياالشاعر الكبير من يرد عليك الأختيار لك طال عمرك ونحن بإنتظارك؟؟؟؟
|
تسلم اخوي الجسار والكبير سبحانه و انا ما اختار اللي يبي يجي بس يلتزم بالوزن والقافيه |
اقتباس:
|
خلوووها
اسمحولي يا جماعة دخلت عليكم عرض بس والله محبة فيكم وانا مقصر معاكم مشغلتنا هالدنيا الله يكفينا شرها وعندي علة ثانية هالكمبيوتر المتهردق تخمه مرات ما يكتب الا انكليزي واقلبه يمين يسار واهديه الله ويضبط بس ابن اللذين ما يطول ولكن استلم يا الشاعر الكبير ابن عون الشريف ولا تصدق وتستلمني ترى ماني قدك ياهلا بولد الاشراف ملزوم نرد السلام = ان كان صيدك انا قلبي لاهي بعلته واسمح يا ولد الكرام لايجي منك الملام = كلن يركض إلرزقه ويعبي في سلته تقبلوا تحيات اخوكم بخط صغيرأبو بشيت الفايد |
السلام عليكم ورحمة الله وبركاته اول شيئ انا اتعلم منكم وانا اقلكم علم وانتم عصابت راسي و اشكر كل اللي ردو علي واللي حاولوا بس خانهم الوزن ابو بشيت الغالي انت بركتنا ومشاركتك ويانا تزيدنا فخر الله لا يحرمنا من هالخط قولوا آمين وانا الظاهر مالي غير الجسار والله يعينه علي لا يزعل بس تراني اخوك الصغير يا سلام الله على الجسار شيخ الحته مير لا يزعل صديقه بو بشيت الفايد كان ناصر طيرنا القرناس انا اللي صدته ثم ربطته ربطت الطاروح للي صايد |
خلووووووووووها
امسي على جميع الاد عون والزوار عندي ضيف علمته بانك صارلك ايام ولالقيت الي يلعب معاك وحب يلعب معك يابن عون وانشالله نستمتع جميعا حنا ليا من حضرنا ما يجينا الملام يكفي يفارق لا جينا ابليس مع شلته جتك المعاني وخذها دون وصل استلام فيها الشفا للعليل الي شكا علته |
يالله حي راعي سبله وضيفه اسمحولي اني طولت والله اني مسافر ولي الحين ما رديت وهذا الرد يا مرحبا فيك مير النوم قبل الحلام واللي يفارق خشير ابليس في ملته بعض الرياجيل ما تجسر بوسط الظلام وانا اترفـع ليــا صمـــل على ذلتـه |
رد
نأسف على التأخير ياابن عون الشريف والعذر والسموحه استلم الرد
مرحبا بك يلى تلفت المعنى وتزته=والحتت فى مصر وابن عون الباشا سايد طيرنا القرناس ينقر العين (اليا)صدته=مير جنب ياعميلى ابوبشيت الفايد |
بن عون الشريف;يالله حي راعي سبله وضيفه
اسمحولي اني طولت والله اني مسافر ولي الحين ما رديت وهذا الرد يا مرحبا فيك مير النوم قبل الحلام واللي يفارق خشير ابليس في ملته بعض الرياجيل ما تجسر بوسط الظلام وانا اترفـع ليــا صمـــل على ذلتـه من قال يحيا يابن عون وترد بالسلامه وامسي على الغالين كلهم والجسار وشاعرنا يبلغكم السلام وهذا رده يابن عون من لا يعلمه قلبه ما يفيده العلام لو هو يشوف السنع اخطاه ما دلته لاعاش سيفن شهر في وجه عذرا وغلام و ليا انطحوه النشاما حريمته شلته |
اسمحولي مره ثانيه على التأخير واقول لاخوي الجسار اسمحلي شوي بس ابا اتفرغ للشاعر الضيف وارجعلك الجهل صاحبه يمشي في دروب الالام واللي شرا صن بان اللعب من حلته يا راعي العلم كيف الغسل بعد احتلام والقاف هذا ترى بعض العرب ملته:) |
متابعين جيدين للمحاوره يعطيكم العافيه الجميع
|
الله الله الله ياسلااااااااااااااااااااااااااااااااااااااااااااام عليك يالجسار على الابيات الجزله بارك الله فيك
|
يامسا الورد على الكل والاخ الجسار
وانشالله ماتاخرنا عليكم واستلم يابن عون ترى هذي امانه :) يقول الضيف ما كنت اظنك تخلط الواقعي والهلام والي غرس بشره ياخوك في غلته و القاف انت اشترطته بين لته و لام والحر لامن صمل ودك على صملته:cool: |
مرحبابك يلمسلم على كل اتجاه
من هجوس ماتضيع جميع اشوارها الطويلة منهو الي يصاحبنا رقاه بيرقة من فوقها لين طار اغبارها |
مرحبا بالجسار وراعي العليا وناصر القنور وتشرفون والله بمروركم وهذا الرد للضيف الغالي ترى ما عجزت لاكني آويلك وراجع البيت اللي قبل ردك العسكري ضاق صدره لا طرى للستلام اللغز عدى على اللي ما حفظ جملته ماني بشاره عليك ومثلكم ما يلام انته كما اللي يشيل البيض في سلته |
امسي على الجزل بن قنور والجزل الجسار والجميع
واقول يابن عون لاتقلب علي تراني مرسال بينك وبين الضيف الغالي ورد عليه لاتولجني :) بعدين حلوه ترشفون :) الظاهر مستلم صج:mad: استلم يالحبيب بوالطيب الي يقوله مالي جرحن ايلام فالميت مهما تفهمه معاودن زلته وش ذنبه الي سعى فالصلح ويا السلام لو هو نقل كفر ما يؤثم على نقلته |
راعي سبلا المرسال ما يجيه مننا شيئ فالبيت الاول كسر وش قول عبدالسلام مقرود ما يترك الجنجال ذي حالته انشد بني عون وانشد عبس وارجال لام الشعر ضاعت بحوره كان ذي طلته |
هذي الهقوه يابن عون
والحرف الي نقص خطأ مطبعي مثلك لما نسيت الياء فالبيض :) والضيف يمسي عليك وعلى المتابعين دام الدعاوي هزل اسمعني يابوالكلام:) والحر لا من ضرب الصيد مافلته لا انته الفرزدق ولا طرفه ولا بن سلام وشعرك سوالف بزر لامه مع خالته بن سلام صاحب كتاب طبقات فحول الشعراء في صدر الاسلام |
مرحبا فالجميع اخوي راعي سبلا عرفنا على ضيفك من اي عرب هو اخوي الضيف اسمع انا اعرف الغلطه المطبعيه من الكسر وانا اللي يهمني هو ان تنجح كل المشاركات ثانيا راجع ابياتك وانت تعرف الكسر يا الضيف الاول والحر لامن ضرب الصيد ما فلته والثاني بوالطيب الي يقوله مالي جرحن ايلام فالميت مهما تفهمه معاودن زلته واذا ودك تكمل لازم نستاذن من المراقبين لان الدعوه شكلها بتخرب ياليت واحد من المراقبين يعطينا الضوء الاخضر لاني ابجرف جرف يا ورع يا ورع توك ما بلغت الحلام الشعر عندي مفاتيحه وقفالته جدي محمد رسول الله عليه السلام والخبل مثلك يشيل حمول ما شالته |
لا لا يا ابناء العم وسعوا اصدوركم وانت يا راعي سبلا خلك واسطة خير وانشاله انك وجه خير وواسطة خير ولا يهون الاخوان
يا جماعة وسعوا اصدوركم باحلى الكلام والزلل لا يجي بينكم يذهب فلته الحوار انتابعه والخطا صاحبه املام وان لزم يعتذر ونرجع الامر لحالته |
ابو بشيت الغالي حبيب قلبي مامن زعل هذي محاوره وانا اخوك كل شيئ فيها ينقال بس نستاذن قبل لا نبحر وسلامتك |
الله يعلي مقدارك ويسلمك يا ابن عون الشريف
وحنا والله نبي محاورات منتدانا تكون سليمه من الغلط والكلام اللي يكون فيه جرح لاحد سواء القاري او المتحاورين وعلى العموم الامر لكم وبينكم وبالتوفيق |
امسي على الجميع بالخير واخص شاعرنا ابن عون الشريف واقوله الله يعلم اني فرحت لما شفت محاوراتك وانا ماعرفك بس لانك عوني
واحب اطمنك على تساؤلك المشروع عن الشاعر واطمنك انه منا وفينا ومو اخوك الي يحط الاجناب بينا ولك حق تسأل وهذا يدل على فطنتك يالذيب واحب اشكر ابوبشيت على كلامه وهذا الصح وانا صرت بالنص وابتلشت وهي فالبداية كانت حلوه وان شاءالله تنتهي حلوه واسمحلي اخالفك الراي اللعب لاصار بين عيال عم ماينقال فيه كل شي بل حتى بين الاجناب فما بالك بالاخوان وان اتكلم عن لعب المعنى اما التعنصر والشتم فانت وانا ونحن جميعا نترفع عنه بس لي عتب عليك يا بن عون انت الي وديتنا لعبدالسلام ومقرود وجنجال ولما اضطر ورد ترى حتى رده ماتناولك شخصيا لوتدقق وانت شاعر ماتفوتك هو تناول شعرك وماشبهك بهندي لاسمح الله واخرتها ياورع وشوي وتقول اطلعلي بالبراحه :) وتراه يسلم عليك ويمدح شعرك و يقولك ولاتبحر خلك على البر البحر ماهولك :) ويقول طالما بن عون مايبي يختم عن قولة ختم يقول انا لها وبختم ولو قالو ختم والي عند الله مايضيع يقوول حلفت بالي منزل الالف ثم لام اني ياشعري ماعرضك للردى وهزلته ودنياك دنيا الفنا ودوك قصر السلام عقب الطنخ مندمر وشيوخها خلته وسلامتكم |
رد
راعى سبلا بيض الله وجهك ياابن العم على الأسلوب الراقى أنت وضيفك الكريم وهذا أن دل أنما يدل على علو أخلاقكم وسموها وكذالك الشكر موصول للشاعر ابن عون الشريف الراقى دائما فى عباراته التى عهدناه بها فى محاوراته السابقه ولكن ماحصل من بعض الألفاظ الساخنه من ابن عون الشريف للضيف الكريم بلاشك كان من باب الحماسه الغير مقصوده بالأسائه لشخصه الكريم وهذا مايحصل بالمحاورات ولكن الألفاظ القبيحه والقدح والأستهزاء فذالك كله مذموم وغير مقبول لقوله تعالى((ولاتنابزوا بالألقاب بئس الإسم الفسوق بعد اللإيمان)) ولايسعنى فى نهاية المطاف إلا أن أشكر ضيفنا وشاعرنا الكريم على هذه المحاوره الجميله والممتعه وأقول له بيض الله وجهك وختامها مسك |
| الساعة الآن 06:20 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir