منتــدى العـونــة الـرســمي

منتــدى العـونــة الـرســمي (http://www.alowanah.com/vb/index.php)
-   منتدى عيون الشعر النبطي (http://www.alowanah.com/vb/forumdisplay.php?f=89)
-   -   من اجمل قصائد الشاعر محمد الاحمد السديري رحمه الله (http://www.alowanah.com/vb/showthread.php?t=7025)

محمد الوريثان 10-09-2011 12:05 AM

من اجمل قصائد الشاعر محمد الاحمد السديري رحمه الله
 
بسم الله الرحمن الرحيم
السلام عليكم ورحمة الله وبركاتة
سأقدم لكم مجموعة من قصائد الأمير الشاعر محمد الأحمد السديري


رحمة الله ..




نبذة عن حياتة
ومن اللامعين في عهد الملك عبد العزيز آل سعود – أحمد بن محمد بن أحمد بن محمد والد محمد بن أحمد السديري ، إذ يأتي عهده متزامناً مع بداية تأسيس الدولة السعودية الثالثة المعاصرة على يد الملك المؤسس عبد العزيز بن عبد الرحمن رحمه الله تعالى . فقد إعتمده وكان من حكامه الإداريين ، كما تربطه بالملك عبد العزيز صلات قربى ومصاهرة كما هي الحال بين أسلافها . وحينما وُلد الأمير الشاعر محمد بن أحمد السديري في الأفلاج ، كان والده أميراً عليها من قبل الملك عبد العزيز . وكان على جانب من الإطلاع وكان على جانب من الإطلاع ولديه مكتبة تحدث عنها ولده الأمير خالد بن أحمد السديري .، ، وبرز اسمه بوضوح مع الرجال الذين شاركو الملك المؤسس في إقرار أوضاع شرق وشمال نجد ، وهو والد الأميرة حصة بنت أحمد السديري أم الملك فهد وأشقائه السبعة حيث أشتهور بعيال السديرية السبعة وهم الملك فهد وسلطان ونايف وسلمان وأحمد وتركيوعبدالرحمن.. محمد السديري خال الملك فهد رحمة الله وأشقاءةالستة..

إليكم قصائدة

وهذة من أجمل قصائدة

لا خاب ظني بالرفيق الموالي




يقول من عدا على راس عالي.........رجم طويل يدهله كل قرناس

في راس مرجوم عسير النالي..........تلعب به الارياح مع كل نسناس

في مهم قفر من الناس خالي............ يشتاق له من حس بالقلب هوجاس

قعدت في راسه وحيد لحالي............. براس الطويل ملابقه تقل حراس

متذكر في مرقبي وش غدالي............وصفقت بالكفين ياس على ياس

اخذ ت اعـد ايامها والليـالي ............دنياً تقلب ماعرفنا لها اقياس

كم فرقت مابين غالي وغالي..........لو شفت منهاربح ترجع للافلاس

ياما هفا به من رجال مدالي............ماكنهم ركبو على قب الافراس

ولا قلطوهن للكمين الموالي...........ولا صار فوق ظهورهن قطف الانفاس

ولا رددوا صم الرمك للتوالي.........كل يبي من زايد الفعل نوماس

من بينهم سمر القنا والسلالي....... مثل البروق برايح ليله ادماس

يقطعك دنيا مالها اول وتالي........لوا ضحكت للغبن تقرع بالاجراس

المستريح اللي من العقل خالي.....ماهو بلجات الهواجيس غطاس

ماهوب مثلي مشكلاته جلالي...... ازريت اسجلهن بحبر وقرطاس

حملي ثقيل وشايله باحتمالي...... واصبر على مر الليالي والاتعاس

وارسي كما ترسي روس الجبالي.. ولا يشتكي ضلع عليه القدم داس

يابجاد شب النار وادن الدلالي.... واحمس لنا يابجاد مايقعد الراس

ودقه بنجر ياظريف العيالي......يجذب لنا ربع على الااكوار جلاس

زله الى منه رقد كل سالي...... وخله يفوح وقنن الهيل بقياس

وصبه ومده ياكريم السبالي.....يبعد همومي يوم اشمه بالانفاس

فنجال يغدى ماتصور ببالي.....وروابع تضرب بها اخماس واسداس

لا خاب ضني باالرفيق الموالي....مالي مشاريه على نايد الناس

لعل قصر مايجيله اظلالي....ينهد من عالي مبانيه للساس

لاصار ماهو مدهل للرجالي.... وملجا لمن هو يشكي الظيم والباس

بحسناك يامنشي حقوق الخيالي....ياخالق اجناس ويامفني اجناس

تجعل مقره دارس العهد بالي......صحصاح دو دارس مابه اوناس

البوم في تالي هدامه يلالي....جزاك ياقصر الخنا وكر الادناس

متى تربع دارنا والمفالي......وتخضر فياض عقب ماهيب يباس

نشوف فيها الديد حان متوالي.....مثل الرعاف بخضر مدقوق الالعاس

وينتثر على البدا سوات الزوالي.....يشرق حماره شرقة الصبغ بالكاس

وتكبر دفوف معبسات الشمالي...... ويبني عليهن الشحم مثل الاطعاس



ــــــــــــــــــــــــــــــــــــــــــــــــــ ــــــــــــــــــــــــــــــــ
2




حلو نباه وقلبه اسود من الصاج

الله من هــم بروحي سهجها .......... بخفا فى ضميري في كنين الحشالاج

احـــر من نـار تـوقـد وهجــها .......... منهـا خـطـر روحـي على سلك د يباج

وعين عسى المولي يعجل فرجها ........... يفوح ناظرها كـما عين هـداج

استرسلت للد مع من مار هجها ............... غيظ يكظ عبارها مثل الأ مواج

كـم واحـد لـه غـايـه مـاهـرجها ........... يكنها لوهو للا د نين محتـاج

يخاف من عو جاً طــوال عـوجها ....... هرجت قفاير كض بها كل هراج

يقضب عليك المخيطه من حججها ...... حلو نباه وقلبه اسود من الصاج

الله خــلق د نــياوساع فجـــجـــها ....... وعزما يريب القلب لك كم منهاج

والرجل وان شطت لياليك سجها ......... عسى تواليها تبشر بالا فراح

ــــــــــــــــــــــــــــــــــــــــــــــــــ ـــــــــ
3
قالها قبل وفاته بأيام قلائل يخاطب فيها سيدي سمو الأمير سلطان بن عبد العزيز

رحمت الله عليك يأبا زيد





سلطان شفت الموت


سلطان شفت الموت مره ومره .......... والثالثه يامير كشربنابه

مــابـيه لكـنـه بــلا نــي بشــره ........... زود على خيله يجمع ركابه

لوهو ظهري لي في صحاصيح بره......... نذرعلي اني لبين صوابه




ــــــــــــــــــــــــــــــــــــــــــــــــــ ــــــــــــــــــ



4
الليل يا خالد





يقول :

إن صار زود المال بيدين الانذال=== حنّا من المعروف تندا يدينا



وان كانهم شرهوا على طيب الافعال===حنّا وردنا جمامها وارتوينا



وان فكّروا للجود يمشون رحّال===حنّا قبل يمشون يّمه خطينا



يا ما لبسنا للشرف كل سربال===وعلى البسيطة للفضيلة مشينا



في دوحة العربا لنا مجد وظلال===وحنّا على در المكارم غذينا



لو نجمع اللي فات منا من المال===إن كان شيدنا القصور وبنينا



نعطي ولا نتبع عطانا بالاقوال===ونبذل ونسكت كننا ما عطينا



وان باعوا الشيمة بدينار وريال===حنا دخلنا سوقها واشترينا



نطلع لها لو هي على روس الاقذال===لو هو عسير ٍ دربها ما انثنينا



بافعالنا نرسم دروب ٍ للاجيال===إلي نساها غيرنا ما نسينا



أسود سادات ٍ تسجل للاشبال===فضايل ٍ شمنا لها واهتدينا



بيض ٍ نسجلهن جديدات وسمال===حفايظ ٍ لاحفادنا اللاحقينا



نصبر على الشّدات لو شيلنا مال===لو سال دم دفوفنا ما شكينا



نخاف يلقى سدنا كل ختّال===ويبني هزيلات المعاني علينا



الليل يا خالد على والدك طال===وهنّيت ناس ٍ بالكرا نايمينا



يا عز راسي شفت ما خبث البال===شي ٍ يهوّل شيّب الجاهلينا



شي ٍ من اسبابه يشيب بالاطفال===فطّر خشوم مهجرعات الحنينا



أدير قالات ٍ عريضات وطوال===قالات خلنّ المخفىّ يبينا



منهن رزين العقل بالوقت يهتال===بوقت ٍ عبوس ٍ فطّن الغافلينا



وقت ٍ من اسبابه شكى كل ريبال===نصبر ونسكت كننا غايبينا



الناس بالأيام راحل ونّزال===تفجعهم الدنيا وهم دالهينا



وحيات رب ٍ نزل آيات الانفال===عالم خفايا نية الحاقدينا



ما اترك طريق العدل في كل الاحوال===لو يرحل المريخ للفرقدينا


وسلامتكم..... (منقول)

خوي النشاما 10-11-2011 11:51 PM

لاهنت وتسلم يمناك يالقرم على النقل ..الرائع ..


والله يرحم الامير محمد بن الاحمد السديري .. قصيده لايعلى عليه .. جزل وطيب ..


الساعة الآن 11:42 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir