يا كليب شب النار
 

http://farm8.staticflickr.com/7168/6...5e92507c_z.jpg


ياكليب شب النار ياكليب شبه
عليك شبه والحطب لك يجابـي

هذه القصة للشاعر دغيم بن بشير الضلماوي رحمه الله، والكثير يعرف هذا البيت ولكن يجهل قائله, كما يجهل مناسبة هذا البيت.

بسرد هذه القصة وعرضها برواية الراوي محمد الشرهان قال, في وقت الامير محمد العبدالله الرشيد ذاع صيت الشاعر دغيم الضلماوي الشلاقي الشمري، وقد ذاع صيته بالكرم وخاصة القهوة، وقال هذه القصيده:

ياكليب شب النـار ياكليـب شبـه
عليك شبه والحطب لـك يجابـي
وعلي أنـا ياكليـب هيلـه وحبـه
وعليـك تقليـط الـدلال العذابـي
وادغث لها ياكليب من سمر جبـه
وشبه الي منه غفـى كـل هابـي
باغـي ليـا شبيتهـا ثــم قـبـه
تجلب لنـا ربع سـراة غيابـي
بنسريـةً ياكليـب صلفـا مهـبـه
لاهب نسناسـه تقـل سـم دابـي
سـراة بليـل وناطحيـن مهـبـه
متكنفيـن وشوقـهـم بالعـذابـي
الوالمـة ياكليـب عجـل بصبـه
والرزق عند اللي ينشى السحابـي
صبـه لقرم صرفتـه ماحسبـه
يوم البخيل مكنهب الوجـة هابـي
وصبه لمنعوريـن ليـا جـاة نبـه
يرخص بعمره والدخل لها ضبابي
وعدة عن اللي مايـداري المسبـه
اللـي يـدور بالقصيـر الغيابـي
عن الطيب عده نـازلا لـه بغبـه
يضرب على درب الخطا مايهابي
لا باطن الهلبـاج خطـوا الجلبـه
يا حلو خبـط عصيهـم بالركابـي
أطمر لهم وأبـدي سـلام المحبـه
لا جو على هجناً يديهـم خرابـي
سلام أحلى مـن شخاليـل جبـه
وأحلى من السمن الجديد العرابـي
مع كبشً مصـلاح راسـه نجبـه
لا أدبـر الهيـن متيـن العلابـي
خطو الولد يـوم الملاقـي نكبـه
يأتي علينا من حسـاب الزهابـي
وحتى يش لو يلبس وبينن وجبـه
معيـرة علـى غضيـر الشبابـي
أنا لقيـت الصبـر يازيـن غبـه
يرقيك رؤوس مشمرخات الهضابي
من لاصبر ياكليب في حكم ربـه
هذاك يـوم البعـث مالـه ثوابـي
يقولها اللي مـا حسـب المسبـه
ولا عرقل الاجواد ببعض الهلابي
هذا هـوى بالـي وهـذا مطبـه
من قبل مايسفـح علينـا الترابـي

سمع الامير محمد العبدالله الرشيد بكرم الضلماوي وأراد ان يختبره في هذا البيت:

الوالمه يا كليب عجـل بصبـه
والرزق عند اللي نشى السحابي

وفي أحد الليالي قال الأمير لبعض من خوياه، ترانا نبي نسير، ولم يخبرهم عن وجهته حتى اناخ ابله عند الضلماوي، وقال الأمير محمد 'ما تقولي يالضلماوي وش عندك به يوم انك تقوصد يا كليب يا كليب؟! فعرف الضلماوي أن الامير زعلان فقبله وقام ومد يده للأمير وقال :

مده رهن لولاك ماقلـت ياكليـب
ولا قلت شب النار وصر موقد له
في ليلة تجدع سـواة المشاهيـب
نسريـة تلصـق خليـل لخـلـه
نطعن بعزك ياحصـان الاطاليـب
عسى الله جمع حزمتك مـا يفلـه
يالجوهر الناريز يالمسك يالطيـب
يـا عنبـر مـن جربـه مايملـه
تكفي محاليـب وتملـى مجاليـب
وكبـد تيبسـهـا وكـبـد تبـلـه
ياطير شلوى مالقى بـك عذاريـب
لو تستحي ما تجمع الطيـب كلـه
يا بو اليتامى والارامل ومن عيـب
وأبوا لمن صار العصى ثالث لـه
وابو المحرول والاعمى والمحاديب
ومن ضامته بعقاء تصير ولد لـه
ان كان هرجي به عليكم عذاريـب
سامح عسى اللي عقبك بألف حلـه