قصيدة بسعادة الشيخ نواف القهيوي(( ابو منصور))
 

هذه القصيدة كتبت بالشيخ نواف منصور المسلم القهيوي (أبومنصور)

( نواف القهيوي )

فـــز القصيد وحط بالـقـلب ولـوال
كنه على نبع المعاليـق ضـــــاوي

يشـدني ذكـر الـذي يشــرح الــبــــال
وانا ابد ما كنت عالقاف نـــــاوي

لاصار هو واحـد وعن ميت رجال
يا شعر انا ارجاك جيب الهقــاوي

والله يـا نـواف مــا هــوب حــيــال
شعري ولا يعطي قليل العـطــاوي

تستاهل احروف الـغـلا كـود مــوال
حتى يتمتم به بـعـيـد الخــطـــاوي

نــواف القهيوي وكلــن على جــــال
هيهات من اسمه شبيهن مسـاوي

الطيب في طبعك وفي وجهك اقبال
مروي من مزون العطايا وراوي

ماهـو بزود الجـاه او كثرة الـمـال
لـنـك لممشـاة الصناديـد قــاوي

جيتك يابومنصور متغربل الحال
عايف ضجيج الناس ودي خلاوي

وبطلتك ما ظـل بالقلـب غربــال
عـدي تنقيتك مـن اللـه نقـــاوي

لنك كما تاجن على الراس ينشال
ما فيه مثلك لـو تدورالرحــاوي

صادق عفيف وطيب ومنت محتال
وايضاعلى الضعفان لك قلب ياوي

شــديـــد لا نــادت مهمه لـخـيــال
تفزع لكسر اللي خذته المنـاوي

والهيبه ان مريت يا طيب الفــال
تسرق نواظر لابسات الغطاوي

من يجهلك يامكرم الضيف في حال
عـزاه لـه لـو هي تفيد العزاوي

من ينشدك وصلك تلبيه بوصــال
وتظل في عطفك وجاع الشقاوي

ياخوك يا نواف مريت باهـوال
وانامجرب كل مجحف وطاوي

يـامـا شنوبن ثقلهـا بس مـكـيـال
وافعالهم هيهات منها الرجاوي


شابواوهم في فكرهم مثل الاطفال
مايلزمون الا بنقل الحكاوي

وحدن تمرجل عالعذارى ولا نال
بعض المروه حدها فيه ذاوي

وحدن تشوفه صامت تقول تمثال
قيمته حصوه بين حفنة حصاوي

وحدن تشوفه ذيب في ثوب وعقال
ون جا يهذري منطقه كان خاوي

الا انت يانواف يا فخر الاجيال
فارس مراجل بك تطيب الحراوي

وانت انعكاس الطيب اصلك ومرسال
واضح ولا تذريه كل الغشاوي

واتمها طلبه من الراعي الوال
الواحد اللي لا طلبته يداوي

يحماك من حاسد طوى قلبه اخبال
يكفيك شر مصفطين الدعاوي

وارضك خضار وطيبه كل الاحوال
يا مكسبن لي ما تعيضك رضاوي

بقلمي
رياض سالم شباط الحنيطي
المملكة الاردنية الهاشمية
عمـــــان _ ابـــو علندا

والنعم بالشيخ نواف وصح الله ألسانك