[أبو الحسن]

..ياللي دخلت السوق وقف بحاكيـك..
..وش ذا العيون اللي تسوي سوايـا..
..كهربتنـي بالعيـن والله يجازيـك..
..نظرات شلت في ضميـري خلايـا..
..لولا فيوزن وسـط قلبـي تماتيـك..
..ما كان عيـن مـن فـؤادي بقايـا..
..يفصل الا من شاف هـذي وهاذيـك..
..صاده مواقف مـن بنـات القرايـا..
..قالت: تحمـد يـوم ربـي منجيـك..
..ولا توقـف فـي طريـق الصبايـا..
..قلت: الصبايـا والمزاييـن تفديـك..
..ماشفت عينك فـي جميـع البرايـا..
..قالت: هذي عيني عسى الله يقويـك..
..شلون لو بتشـوف باقـي المزايـا..
..لكن دامـك ممـن القلـب بسويـك..
..رح في طريقـك والنوايـا مطايـا..
..ولا تـرا بتعبـك واعلـن تحديـك..
..واشـوف قلبـك بيتحمـل حلايـا..
..قلت: اسمعي وان فزت قالت: بكافيك..
..علي حسابي مـن محـل الهدايـا..
..بس انتظر لحظه بسيطـه ورويـك..
..ثم اظهـرت ثغـرن زهـت الثنايـا..
..قلت: انتبه يا قلب منهـا توطيـك..
..واسمع صداه يصيح خلف الحنايـا..
..ثم انفجـر جـد الفيـوز التماتيـك..
..واقفت وانا اجمـع بقايـا الشظايـا..