السلام عليكم ورحمة الله وبركاته
حبيت اشاركم بهذي القصيده..
وقصتها مرض الطير ولما تم فحصه بمستشفى الهمل للصقور ونتائج الفحص تبين ان المرض لايوجد له علاج واخذت اسند على اقرب صديق وهو سعود
اقول فيها..
البارحه ياسعود بالهم ممهود ..
ممهود بمهاد الكفن زي قبري..
البارحه جتني هواجيسي السود ..
الهاجس الي غايته ضيق صدري ..
الهم يالي جا معه حزن ياسعود ..
شق الحشا وبداخل العرق يجري ..
كله سبايب طير بالفعل مشهود..
ياضيق صدري يوم للموت يطري ..
قال الهمل الطير ماعاد به فوود ..
متمكن(ن) عقوه وبحشاه يسري..
صار الأمل للطير ياخوك مفقود ..
حكم القدر امفارقه صار جبري ..
وصار العمر اليوم للطير محدود ..
ياسعود موته صار بالعين مقري ..
وقامت على تذكار أيامه اتعود ..
وذكر له اطيب فعل بالصيد قفري ..
يسعود جيتك طامعن منك مردود..
خابرك صقار وبغلا الطير تدري ..
وختامها يادباس حشا منت مجحود ..
والعين هلت دمع الفراق جبري .. |