هذ قصيده قالها الشاعر ماجد الحبيبي في بنت الدعيمي و ردة عليه بنت الدعيمي وهذا من الرديات القديمه جدا"
يقول ماجد الحبيبي
يا طوق يا قازي على كور ضامر=تبوج الفيافي ناحلات ٍ خدايمه
الي سرتها يا طوق عشر ٍ كوامل=وطالعت من قصر الدعيمي عدايمه
سلم على قصر الدعيمي ومن به=اجاويد ماداسو بنا قط لايمه
سلم عدد ماهل وبل ٍ في السما=او ما لعى القمري يجاوب حمايمه
ترى حبهم يا طوق كالنقر بالصفا=ونقر الصفا ماهيب تمحي وسايمه
نقر الصفا لي هبت الريح ما انجلى=ولو جا الحيا ما خرب الما علايمه
وردت بنت الدعيمي تقول
يا طوق الى جيت الحبيبي ماجد =وهو بالمعادي بينات ٍ وسايمه
من هاب ورد الما صدر منه ما ارتوى=ولو كان بالما شارعات ٍ كضايمه
من ظل يرجي بالعسى بات بالعسى=تلهيه غارات الصبا في ولايمه
من كثر التصديد عن من يوده=على غير بغض ٍ مخطر ٍ مايلايمه
عشقته وانا لكل شيخٍ ٍ يقول لي=لا واهني بالعمر من هو يلايمه
و ملاعبي ولد الحبيبي جنه=ولا جنة الدنيا لحي ٍ بدايمه
كم ليلة ٍ بـتـنـا ولا بات بـيـنــنا=سوى الخيف محشي بالايدي نظايمه
ريحه على خشمي وطرياه في فمي=ورؤياه توقظني ولو كنت نايمه
واقوم اطهر من حمامات مكه=واللي كذب تلوى بالايدي حزايمه