قصة وفاء قصة عياده؟
--------------------------------------------------------------------------------
هذي
قصة وفاء عيادة ابن منيس مع زوجتة
عيادة ابن منيس من قبيلة شمر من لعمود ومن امراء العمود
القصة
اجدبت الارض وتأخرة الامطار وجائتهم الاخبار ان الربيع
على لينة واجمعو على ان يتبعون الحياة وقال عيادة ابي
منكم خمسة ايام اتمكن من دق الملح ملح البارود
لان وقتها كان السلاح الفتيل ومقمع وعيادة طراد صيد
دق يوم من اليام وزلت يد النجر وثاربه الملح وقدح
شرار علية واكلة من رجلية اليا راسة صاحوا العرب
قالو عيادة ثاربه الملح قالو هذي مشكلة ان تركناعيادة
قصد بناء قصيدة ون قعدنا عنده مات يمار تسمع
زوجة عيادة قالت يالربع من طرف عيادة لاتهتمون
قدر الله علية الي قدر
ولا مساهرتة الا انا حنا اكثر منكم بعارين وغنم خوذو
الحلال معكم ونا وعيادة حطونا بلغار الي بجبل عرنة
جبل العمود ان حياء تلقوننا وان مات انخاء اهل القرية
يدفنونة قالو لازم ناخذ راي عيادة بالموضوع قال عيادة
موافق على ماقالت زوجتي ولا انتم نافعيني سواء انتم
عندي او مانتم عندي اذا الايام منتهية فا السبب حصل
توكلو على الله /
شالوه وحطوه مع زوجتة بالغار شمال عرنة ومشو
بالحلال وصارة تحاضية وتساهرة الليل وتصيدلة
طيور وحجل وتشوي وتحط بفمه واليا جت تنطفة
حطة قرونة بفمة وعضهن علشان يقوم وتشب
بحطب الرمث وليا برد الرماد تنخلة وتحطة علي
جسمة على شان يمتص الماء
يقول ثلاثين يوم ما اقدر يساعد نفسه
باي شي لا يقوم ولا تحرك يقول ستين يوم
ويقولون امرته تزعله او تضايقه
وكل يوم احسن من الي قبلة يقول اقولة
ابي خبز وليا صلحة خبز قلت ابي تمن اكمل ثلاثة
اشهر يمار الديرة مربعة ورجعو جماعتة وقام يروح
ويجي ويصلح قهوتة ويعزم جماعتة وقالهم العشاء
عندي الليلة ابي اصيدلكم بدن عيد لوجة الله انكم
رجعتو وعيد ان الله فكن , صعد لجبل عرنة ويصيد بدن
يمار البدن كبير ويفتح بطنة وينثر كرشة على شان
يخف يوم نزل من الجبل يمار تعبان وهو ينزل البدن
ويقعد يرتاح غطة النوم وحلم حلم ان ذلولة يجيها
راعي رمح ويضربها مع الورك قام من غطتة وهو
مذعور من الحلم ويقن ان المصيبة بزوجتة ,عطاء
زوجتة البدن وقعد يتابعها بنطراتة ,
الزوحة اخذت تتفقد نفسها تشوف في ثوبها شي
قالت ياعياده اشوفك تتابعني بنظراتك علي غير العادتك
اليوم قال يابنت الحلال انا حلمت حلم ان ذلولي الفلانية
جاها راعي رمح وظربها مع زر الورك ونا خايف عليك من
هذا الحلم قالت تعوذ من الشيطان هذي هرابيد ماتصدق ,
صلحو العشاء وتعشو الجماعة وقال هذي القصيدة
نطيت ضلعا لاسقاراسـة الحيـا= صعيب من روس العوالي اجنوبها
من يوم ثار الملح قدام ناضـري=مثل المقمع يوم شبـت شبوبهـا
ولي ياعين كل ماقـول خنـدرت = تشبة البرطم شنتا مـن غروبهـا
وثريك ياعيني كفـاء الله شـرة=در يتبها قبل العـرب مادروبهـا
حلمت حلم غث قلبي وخاطـري =واركاء على كبدي بلحامي شبوبها
وبعد فتره وفي احدى الليالي حطتة في مثنى القطيفة
لان جسمة مايتحمل البرد وهي على هدب القطيفة
وفي منتصف الليل قالت ياعيادة انا اوجست شي قام
واخذ ولعة وشافها يمار قاضبتن داب على راس
الفخذ قالت احفظ نفسك واذبحة ذبح الداب
قال سلمتي قالت ماسلمت قال معين
قالت مع الفخذ قام يبي يقومها يمار يوم ودعت
الحياة صاحو العرب وش فية قالو (خرعة) ماتت وكلن
بكاء عليها الوغدان والشيبان والجيران ,حفرو قبرها
ودفنوها وراحو عن الموقع
وقال قصيدة رثاء بزوجتة (خرعة) بعد وفاتها
يامزنتـا جنـا ضبـابـة وحـنـة= تسقي الخضر وديار غمقين الاضعاف
تاخذ علي الرتعـة تقـل يـوم سنـة= من زود سيلة تغرق الانـس والجـن
تقصر عن الخشفاء ولا سيـل قنـة=الديرة الي ماتبـه غـض الاوجـان
وتسقـي متـان المقبـرة ينفعـنـة= حلون عليهم طافـي العشـب لازان
ولا تـرى عـن سيلهـم مستكـنـة= دونة صلافيح الكشف بيـن جيـلان
عساة تدخل في شفـاء بـاب جنـة= بجاة الرسول محمـد نسـل عدنـان
ماحسبـت لوعـات الليالـي يجنـة= واثار مال محضـر العمـر ميـدان
عرفـت يـوم عضهـا مـع مدنـة= هوشة عديم هاشها واطلـق الـزان
ياليتنـي ويــاة نسـكـن بعـنـة= وفكة لنـا والـي المقاديـر وحيـان
وونتـي عيـا ضمـيـري يكـنـة=عليك يالي يومنـا طحـت حضـان
كفـيـف رجلـيـن ولا زهـدنــة= حسيـر مابيـن اليسـاري ولايمـان
يامايديـنـي كـلـهـن لمـسـنـة= ويسهر ياما دافي البطـن حاضـان
وغدت علي مثـل القطـاة المكنـة= ياما بريت وسامك العـرش عافـان
ياونتـي تـأتـي ثمانـيـن ونــة= ما قواك يازوري علي كبـد ماجـان
ونيـن راعـي سـابـق ٍ غرقـنـة= شهب النواصي مرضيات بلا رسـان
شهـب النواصـي معلقـات الاعنـة= شهب عليهن مـن شبـاب وشيـاب
تقنطـرت بوجيهـهـن وودعـنـة=بنـات قـواد السبـايـا كحـيـلان
وردن علية الرمـاح زرقـت زمنـة= فـوق البديـم وحدرلمـان الامتـان
وعيني الـي تقـل ناضـوح شنـة= من البير يجذبـة مراجيـح عثمـان
حيلـن تطلـع بـاردا مـن مقـنـة = بقرب تودع الشهـب الجـم شـذان
غبـت سوانـي والثـلاث اطلعنـة=يسقن خواوير النخل هن والاضعـان
وخلافهـن رقـط المحاليـل غـنـة= زمار عسكـر دولـت تقـل ديبـان
عليـك بـالـي مالهـتـن بـونـة= صافي الثمان الي تقل وزن ميـزان
يابـو عيـون ياكمـا وجـة كـنـة= عين الغـزال ليـا تشافـا ورعـان
القبـر صلبـات العـمـد شيلـنـه= برضٍ نراها لسوهج وبـن حركـان
وداعتك سحـم الضـواري لايجنـة= وداعتك قصيرتـك يابـن حركـان
وداعـتـك ولكانـهـن لا يعـنـك= قصيرتك ترى مايهـا مشـي حقـان
قالو ياعيادة انت اشغلت ابن حركان وهو يحرس
قبر زوجتك قال ماهو صحيح حتي اشوف بعيني
راح عيادة للقبر وامرح بالليل يوم اصبح الصبح شاف
ابن حركان يركب فرسة لكي يعود الي بيتة قال عيادة
يبن حركان تري عضامها كلتهن الارض قال انت ودعتن
اية ولا اخلي الوداعة حتي تعفيني قال خلاص انا عفيت
وماقصرت قال انتضرن شوي ابي اصل العرب ,وصل العرب
وجاب خروفين عند القبر ودبح واحد عند النصيبة الشمالية
والثاني عند النصيبة الجنوبية ,قال ان جتها السباع تاكلالخروفين وهذولي ضحايا لها كل سنة مادمت حي
عز الله قصه وقصيده >> الله يرحم (عياده) ويرحم (خرعه) هالاجوديه
ويرحم جميع أموات المسلمين
وشكرا اخوكم/
عبيد الوريثان
منقول