عبدالكريم الجباري ياشين ناس ماتعرف المواجيب وجبتها صدت ولا وجبتني ..

[أبوحقطة]

ياشين ناس (ن) ماتعرف المواجيب

وجبتهـا صــدت ولا وجبتـنـي

الطيب يجزا ياااهل الطيب بالطيـب

لكـن سـودان الوجيـه جحدتنـي

ماجيت ادور من وراهـم مطاليـب

والله ماغيـر العـلـوم غبنتـنـي

ولا جيت اجرب طيبتـي للاجانيـب

ولاني مجاوبها لـو انهـا نشدتنـي

معروف ساسي مادنس ثوبي العيب

يومي وغد مافيه نـاس احقرتنـي

من نسل قوم (ن) جربوهم تجاريـب

شمـر ويـوم(ن) قلتهـا شرفتنـي

ماني ولد لاشـن ولـوه المعازيـب

تامـر علـي المترفـات ولهتـنـي

انا ولد عـود(ن) قليـل العذاريـب

كم ديرت(ن) من طيب ابوي عرفتني

فيالله ياللي عالـم السـر والغيـب

لاتخذلـن يـوم الوجيـه خذلتنـي

هقوه وخابت دايم تخيـب وتصيـب

لكـن سـودان الوجيـه جحدتنـي

[الشريف فواز الجسار العوني]

قصيده جزله ومعبره صح السان الشاعر الجبارى وشكر يابوحقطه على هذا النقل وأحيي فيك تذوقك للشعر الجزل ولك منى كل إحترام وتقدير

[أبوحقطة]

يعطيك العافيه الجسار على المدح الطيب

وأسعدني مرورك ل

أخوك: أبوحقطة

[ابن عوجا]

يعطيك الف عافيه

[أبوحقطة]

اشكرك اخوي بن عوجا
والله يعافيك

[الهلفي]

[tabletext="width:70%;background-image:url('http://www.alowanah.com/vb/backgrounds/21.gif');background-color:red;"]