الشاعر الكبير الأمير خالد الفيصل ( كلٍ يعوّد لاصل جدّه ومرباه )

[ابو محمد العوني]

كلٍ يعوّد لاصل جدّه ومرباه = راعي الشرف يشرف والانذال يهبون
الفْرع من عوده شرابه ومسقاه = والحنظلة مرّه ولو تشرب مزون
الطّيب كايد والمناعير تقواه = والهون هيّن تدنع النفس وتهون
ناسٍ على كسب المراجل مضرّاه = وناسٍ على كسب الفشيلة يضرّون
هذا على وضح النقا كل ممشاه = وهذا الى شافوه ربعه يصدون
لا تامن الخوّان لو زخرف حكاه = من خان بك مرّه يبي باكر يخون
وافطن ترى زول الرّجاجيل توّاه = كم واحدٍ يعجبك زوله وهو دون
يا طيّب الشارات من يوم منشاه = احذر عدوّك لايغدرك على هون
ترى عدوك غايته فيك ومناه = يزرع بصدرك من قنا رمحه طعون
والّلي رضع لبوة عدوّك توقّاه = الجرو ولد اللبوة الّلي تعرفون
للطّير يالصقّار بالرّيش مغواه = الجاهل الّلي باكثر الريش مفتون
للحُر والشبوط ماكر ومجناه = والفرق بالافعال لو هُم يطيرون

الشاعر الكبير الأمير خالد الفيصل

[ملبسة العوشز]

أحسنت على النقل وأعجبني مطلع القصيدة

كلٍ يعوّد لاصل جدّه ومرباه = راعي الشرف يشرف والانذال يهبون
الفْرع من عوده شرابه ومسقاه = والحنظلة مرّه ولو تشرب مزون

[أبوحقطة]

صح الله اللسانالشاعر الكبير الأمير خالد الفيصل

لاهنت اخوي بومحمد