يا صاحبي ودي اسلم واستلم منك الكلام = والكلمة اللي تزعلك لله ابد مااعيدها
ودي نعيش العمر في الفه وننعم بالوئام = من غير حقد او تحاسد والنفوس اصفالها
وش خانة الدنيا ليا صارت تصيد وانتقام = ومن غير حب الله وذكره الحياه يرثلها
لابد نصفح ونتجاوز عن خطا بعض الانام = لاجل الحياه تمشي سقتنا حلوها او مرها
يا مهلك نفسك ورى جمع الدراهم والحطام = تجمع لغيرك والنجاه نفسك تزكي اعمالها
الموت يطلبنا لحين الحق ياذن بالتمام = وتبدا معاناه الرحيل وينكشف مكنونها
وش عاد لو شفت القبور وما بها غير العظام = واجسادنا راحت طعام الارض مع ديدانها
في حفرة يا صغرها توضع ويسالك الكرام = واحرص تهيا في حياتك لاسوال اجوابها
الله كريم ليا غفر ذنبك يجنبك الملام = وبنيّ آدم يحسب الغلطه ويحد احدودها
والخاتمه اكمل صلاة باثرها افضل سلام = على محمد سيد الرسل وبه اختامها