--------------------------------------------------------------------------------
السلام عليكم ورحمة الله وبركاته
يقولون كبار السن ان السالفه هي ملح القصيده
وان السالفه تفك شفرات القصيده ويكون للمتذوق قراءه افضل
وودي اقول لكم الموقف اللي صار معي وبنيت عليه هذه الابيات المتواضعه
ولو ان اسمي موب بنفسجي فلكن الاسم لا يرمز الا بنك شاعر وانا ارمز لنفسي عسى باني الون حروفي بالمعنى الفريد الجديد
المهم على قولة الشاعر :
عدو المراجل قلة المال للرجال = يشوف المراجل غير غصب ٍ يخليها
المهم الموقف اللي صار ارسل لي واحد مسج يبي سلف وانا ما عندي شي على قولتهم الناس يقولون اذا شافو الواحد المفلس قالو له على الحديده لا اما انا ذاك اليوم بايع الحديده
وهذا حال الدنيا دزيت له مسج اشرح له ضروفي فيها واوضح له اني ودي افيده بس ما باليد حيله وبعدها دقيت عليه كذا مرره ما رد على تلفونه الكويتي اذا ما رد صاحب التلفون فيه جهاز يقول المشترك لا يرد المهم دزيت له هالقصيده
و القصيده تعبر عن نفسها ما اطول عليكم ادري طولت عليكم اقول وعمر القارئ يطوول:
ويش عند المشترك على اتصالي ما يجاوب
لا اتصلت ودق خطه لا يرد ولا يشيله
هو يحسب اني عليه العب او احب التلاعب
لا وربي ما نويته بالردى ولا الفشيله
والزمن هذا ترى نسبه على حسب التناسب
نوب زين ونوب شين ونوب عدل ونوب ميله
ليتني في سوق الاسهم من هوامير المضارب
والله اني لااطنخه بالمال وازود حصيله
لكن ان بحر الفقر حمل على متنه مراكب
وصرت انا راكب على درووب المتاهات الطويله
والله انه ما يعل الحال ويكويها بلاهب
كود لا منه نصاك احد ً ولا باليد حيله
لكني اسال الله عنده بحسن المراتب
لا انتهيت من الحياه يجيرني شر المليله