كيفكم اخواني إن شاء الله بخير
من قرار منع الصيد بالمسدسات واللخبطه الي حاصله حاب اليوم اضيف موضوع وهو بخصوص ربلات المسدس البحري وطريقة اصلاحها
نبدأ على بركة الله
هذي العده المطلوبه
وهنا القطعه هذي تحصلها في محلات الغوص ما تتعدى 20 او 15 ريال
بالطبع لابد يكون عندك ربلات
ويختلف الوضع ما بين مسدس الرايف وبين البوشات والمسدسات الايطاليه ( الرايف بدل القطعه المعروضه في الصوره 2 نستخدم خيط موجود في محلات الغوص وانا ريحت بالي وصرت استخدم خيط القيطان الموجود في محلات الستائر المتر بريالين ومثل الخيط الاصلي ما يفرق الا شي بسيط ومهي مشكله دامني انا بنفسي اسوي ربلاتي )
هذي طريقة ربط الخيط لجل ندخله في الربل ونربط عليه
نقص خيط بالطول الي نبغاه ونربطه من الطرف بالربطه الموضحه بالصوره كل طرف نربطه كذا
راح يصير شكل الخيط كذا
الحين نرجع للطريقه المشتركه بين الرايف والمسدسات الثانيه وهي شد الربل على الخيط او على القطعه المعدنيه
في البدايه نحط القليل من الفازلين على الخيط او القطعه المعدنيه
ونحشر الخيط بالزراديه ام بوز داخل الربله ( ما صورت الطريقه والعذر منكم )
او القطعه المعدنيه للمسدسات الاخرى كما هو موضح في الصوره
الحين نجي للشغل المهم وهو شد الربل على الخيط او القطعه المعدنيه
ناخذ الخيط الحرير مثل الي موجود في الصوره او اي خيط انت تثق فيه في شباب يستخدموا خيط قيطان مقاس 1 ملي او 2 ملي انت ورغبتك
ونربطه مثل ماهو موضح في الصوره عقدتين
بحيث كل عقده فوق الثانيه خلف خلاف مثل الصوره التاليه
ونشد العقده بقوه على الربل ويفضل يكون معك شخص ثاني لجل يشد من الطرف الثاني مع تحريك الربله وبرمها ناحية اليمين واليسار
ونسوي بالطرف الثاني للربله نفس الطريقه
صنع ربلات للمسدس
العرض الشجري
