هذي قصيده لشاعر الكبير الشريف جري الجنوبي
يقول جرى واشر اليوم مرقب=طويل الذرا للريح فيه فنون
طويل الذرا تهفى الحواوي دونه=والحر الأشقر في ذراه زبون
إلى هب نسيم الريح وأنا برأسه=تذكرت خلان لنا وشطون
يا ربي اعمر دارنا وامح دارهم =اظنهم إلى ذكر الحيا يجون
يا راعي البستان والنخل والقرا=أنشدك ما مرت عليك اضعون
ما مر عليكم من اشريق ضعاين=ضعاين بدو مشين ابهون
ضعاين قلبي ما بينهم امعلق=بخيط ولا دون انقطاعه دون
ضعاين ارقاب الجوازي ارقابها=أو من بقر الدهنا لهن اعيون
ومن خيل عدوان لهن معارف=ومن سلف السحلي لهن ابطون
يا سيف دور لي مع الورد بكره=لعل البكا عن ناظري يهون
تراها الذي ضيعت في وادي الفضا=غزال هنالك دون قتله دون
امخضب اطراف البنان اموشم=سبا القلب وازتاد الضمير اجنون
يا ذيب رز البند في راس مرقب=لعلهم يا ذيب القفار يجون
إن اقبلوا يا ذيب طابت عيشتي=وإن قوطروا باقي الحياة اطنون
يا ذيب أنا واياك إخوان سره=لوما ايتفينا من حشا وبطون
تكاملت الاحساس عنا ولا بقا=سوا سامر غنا بدق الحون
ثم هوا في البيت مني سمامه=ومشيت مشي الغاويات أو دون
وقلطت حدبا طالما قد تعدلت=تنبيه زينات العيون ابهون
وقامت ورفعت راسها وتنبهت=بحسن كما حسن العليل أو دون
وجاوبتها مثله حديث امضاعف=يكون على غيري وعلي ايهون
وبيتنا بأحلا ليلة تطرب الفتا=بها من عجاريف السفاه افنون
يبات على صدري اجعود منقضه=بسايل وهي ذاك النهار اقرون
وجانا عمود الصبح لا مرحبا به=تشدي لجرد السابقات اصفون
وقالت اقعد يا صاحبي غير صاغر=عن الصبح لا تشهد عليك اعيون
وقعدت وشفى ما انقضى من عشاقتي=ولا ينقضي للعاشقين اشطون