السلام عليكم ورحمة الله وبركاته
ودي اسمعكم احدى قصايدي واخذ رايكم فيها
سم الولد يا سعود يا سعود سمه
سمه على جده ولا تستشيره
عساه يطلع مثل جده وعمه
اللي لهم بالطيب طاري وسيره
واحرص عليه من الردى والمذمه
ترى الردى يبقى مع الوقت عيره
عوده دايم ماشي(ن) في مهمه
لا يقطع المشوار ويقول خيره
ولا تصبح الدنيا طموحه وهمه
ويروح فيها مثل ماراح غيره
ماله بها ياكود قبر(ن) يلمه
مترين طوله والمساحه صغيره
آخر شهر مارس به الجو قمه
كل(ن) ضبط لابريل كذبة كبيره
صار اجتماع لكل داب(ن) وسمه
والحيه الرقطا تنظم مسيره
واصبح مصير الناس بيدين خمه
خمه تحكم في جموع(ن) غفيره
و نتايج القمه بيان(ن) يعمه
نستنكر الارهاب في كل ديره
البند الاول حط خطين يمه
الجار جار ولازم اننا نجيره
ان طعتني يا سعود خله مع امه
كثرله فراشه وزين سريره
القمة
العرض العادي
