صفحة الشاعر والمؤرخ جازى البغيلى شواهد من التاريخ

[مخاوى الليل]

اقتباس : المشاركة الأصلية كتبت بواسطة العونـي [ مشاهدة المشاركة ]

الله يعطيك العافية مخاوي الليل وصح السان عمي جازي واتمنى توافينا بمزيد من القصايد

حياك الله اخى الغالى وابشر باللى يسرك

[مخاوى الليل]

قيلت هذه القصيده فى موقف الامير فيصل بن يزيد ال سعود مع الشاعر حمود البغيلى لارسال الامير طائرة الاخلاء الطبى عن امر خاله ولى العهد صاحب السمو الملكى الامير سلطان ابن عبد العزيز شافاه الله وعافاه الى مريض قريب الى الشاعر حمود البغيلى وهى بحد ذاتها تتكلم عن مواقف المملكه وعن مواقف الملك عبد العزيز ال سعود طيب الله ثراه

ياحمود جادولك هل المجد والطيب =اللى بهم شيمه ونخوه وغيره
سترالعذارى المترفات الرعابيب =ويعطون مما يملكونه كثيره
اخوان نوره مدركين المواجيب =نطاحة المركى نهار المغيره
يوم الدهر جاله علينا دواليب =صارو ا لنا ملفا ودار وعشيره
دار الفهد زادت حفاوه وترحيب =يوم انها صارت علينا الكسيره
عبد العزيز اسس بناها عن العيب =وخلف رجال كملو بالمسيره
من الكويت اوما عطيب المضاريب =يمت مغيب اسهيل مسرا بعيره
على الهجن ويحثهن بالعراقيب =بعد الصحابه منقذ الدين غيره
مايحمل الا مرهفات محاديب =سيف شطير بيد حليم شطيره
خلا الغنم ترعى وترتع مع الذيب =ترعى بليا خوف بانحاء الجزيره
ياليت مثله يكثر النسل والصيب =حتى عدو الدين ياقع بحيره
ويالله ياللى تعلم السر والغيب =لاتجعل الدنيا علينا عسيره
ياحمود دامنك على منهل اهديب =يالله عسى فى تالى الامر خيره

اهديب -الرجل الشهم الكريم الذى يضرب فيه الامثال

[مخاوى الليل]

قيلت هذه القصيده فى المعارك التى دارت فى اثناء الغزو العراقى الغاشم على دولة الكويت الحبيبه والنصر من الله عز وجل وهى تشرح بالدقه ماحصل من تلك المعارك ومن مواقف الامير الراحل صاحب السمو الشيخ جابر الاحمد الصباح امير دولة الكويت فى ذلك الوقت وعن حكمة سموه

يقول من جاب المثل من صميمه =امثال ماقيلت على ظن ووهام
وقتا علينا البحر يلطم لطيمه =ومن خاف من هالوقت مهوب يلام
وقت تحير به العقول الفهيمه =اللى يحثون المسيره بالاقدام
ويالله ياللى معطياتك كريمه =ياعالما بالغيب ياخير علام
حكم الصباح انك علينا تديمه =اللى رعو حق الارامل والايتام
وقلوبهم نحو المواطن رحيمه =تشهد لهم ماضى الليالى والاعوام
وعوجا تجى من شعبهم مستقيمه =وعلى حقوق الناس ماهم ظلام
حكامنا على العصور القديمه =وذخرا لنا يومنها صارت الزام
والعام يوم استدرجتنا الهزيمه =وهبت علينا ريح صرصر من الشام
وضاقت بنا البيداء وشبت جحيمه =بين لنا ماكان يخفن الايام
وعرفت من له بالموازين قيمه =وترفع له البيضاء على روس الاعلام
لبومبارك نخضع الراس شيمه =قايد سفينتنا مثل ماجرى العام
اداء لنا الواجب بصبر وعزيمه =وقت الضروره والضروره لها احكام
واياأميرنا دام النوايا سليمه =يجعلك الله نور فى وقت الاظلام
واخطاك سوء اللى مشا ء بالظليمه =جحادت المعروف وحقوق الاسلام
وصخر لنا الله الجنود العظيمه =تجاوبو معنا على روس الاقلام
وخيل على بغداد نوا رزيمه =يوقظ صداه اللى بحلو الكرا نام
خيل خيال الموت ودنا حطيمه =سيله حقوق وتالى السيل هدام
وركز على المطلاع نوه وغيمه =ومن منفذ الخفجى الى اقصى ابو رضام
تشبع به الضبعا وتصبح مقيمه =ويركع لها طير الخضيرا الى حام
وياذيب اكل طاح العشا والوليمه =محاصلللك دوم خيرات وانعام
ذيب العذيبا والركى والوخيمه =يشبع ثلاث سنين من جند صدام
صدام عقب له عواقب وخيمه =من سوء فعله جر شعبه للاعدام
خلا العراق مرملات حريمه =وبثبهم الفرقا وقطعا بالارحام
وكم طمعت منها السلامه غنيمه =وكم من صبيا طاح فيها ولاقام
ولايامن المنعم بازالة نعيمه =ولايامن الظالم تزلزيل الاقدام
وصلاة ربى عد ذارى نسيمه =وعلى نبى ثبت الحق باحكام

[مخاوى الليل]

قيلت هذه القصيده وطنيه ولها شواهد من الماضى والحاضر

يقول اللى تطرق للمثايل =ولااباع المثايل واشتراها
تجود ابها صناديق الضماير =ويترجمها لسانى لمعناها
الا منه طراله ماجراله =حلات الروح جابت ماوراها
على طول الزمن تجرى الجوارى =وتسير السفن لو دوق هواها
تسير بغبة يلطم بحرها =حداها الموج ولا ماحداها
وعلى الظالم يدور الدواير =عليها الدايره دارت رحاها
ولا يالله ياقابل دعانا =تعز بلادنا واللى رعاها
رعوها اهل لها من عصر كسرى =شجرة الخير والشعب ارتضاها
ولاحكمت على ساس الخيانه =ولدها من بلدها من حشاها
بلاد السلم وحكومه محبه =وعطشات الكبود اروت ضماها
ولاخانت مواثيق العروبه =سجلات الشرف فى محتواها
بلادى يابلاد العز جودى =بلاد الخير مانجحد عطاها
بلاد طيبها من طيب اهلها =الا جاها الضعيف اونس دفاها
فديناها بالارواح الزكيه =وشهيد الدار هو لبنة بناها
وفديناها بصعبات المواقف =وحثينا الركايب من فداها
وطرقنا ابوابها شرقا وغربا =حتى ان اهل الوفا لبو نداها
عسى الله ينصر اللى ساندونا =اهل المعروف مانلحق جزاها
وكل عايش من فضل ربه =على ارض مايحب الا فضاها
وانا احب ارضى اللى عشت فيها =والا مت ادفنونى فى ثراها
سكناها وهى قفر عذيه =وحماها الله وعشنا فى حماها
منازلنا على البيدا قديمه =وشربنا المر واطعمنا حلاها
والا ياطامع بارض لاهلنا =تراها ماتحل المن بغاها
مادامنا على ظهر البسيطه =هذى ارض والسما هذا سماها
وانا عينى من الفرقى حزينه =تهل الدمع من كثرت بكاها
يراودها البكى مره ومره =الا مرة على الشمس وضحاها
واجاهد من تجاهدنى جنوده =جهاد النفس بذا لله خفاها
والاياغافل عن طاعة الله =ترى نفسك عدوه لك تراها
تزود قبل لايدنو رحيلك =ترى الايام عجلات اخطاها
وصلاة الله على الهادى محمد =عدد ماهل من وابل حياها

[مخاوى الليل]

قيلت هذه القصيده اثناء علاج الامير الراحل الوالد الشيخ جابر الاحمد االصباح امير دولة الكويت رحمه الله وطيب الله ثراه بالخارج وقد فاضت قريحة الشاعر بهذه الابيات

الله يحفظ البلد ويرد غايبها

يالله ياواحد ماصكت ابوابه =ياعالم ماب مشرقها ومغربها
يامنزل الغيث على الارض تحيابه =ويامنشى السحب يامذرى هبايبها
يالله تقبل دعانا اللى دعينابه =ويالله اتحفظ البلد واترد غايبها
ويالله تمد بحياته وانت ادرابه =دعوات الاجواد ربى مايخيبها
وعساه يرجع على دسمان وترابه =ويمشى على الارض يسعى فى مناكبها
اميرنا اللى لقينا ماهقينابه =يوم الايام صكتنا مصايبها
المال فى عز شعبه ماتغالابه =ويدراء المخاطر ويخشى من عواقبها
محبوبته مهرها در البحر جابه =ومن كثر حبه لها لبى مطالبها
اضفى عليها لباس الستر وحجابه =يوم انتخت به وشالت عن ذوايبها
وقفلها لين عاد الحق لانصابه =بحومت صقور تصافق فى مخالبها
ودار بها عاشو اهلنا وعشنابه =واللى يجى من بعيد الدار عاشبها
كم من عدو غزاها والله اسفابه =وكم من صديق ذكرها واستجاربها
الشر ماتضمره والخير تسعابه =ونحو العروبه تقوم بقدر واجبها
حكامها اهل الوفى ماهم بنصابه =الله يخون الشعوب اللى تخونبها
واللى عرفناه قلناه وشهدنابه =وامعلمتنا الليالى من تجاربها
وصلو ا على اللى انزله محكم كتابه =مهد الرساله وحافظها وصاحبها

[أبو بشيت الفايد]

قصائد جزلة من شاعر كبير تشكر اخوي مخاوي الليل وحنا في انتظار المزيد

[مخاوى الليل]

اقتباس : المشاركة الأصلية كتبت بواسطة أبو بشيت الفايد [ مشاهدة المشاركة ]

قصائد جزلة من شاعر كبير تشكر اخوي مخاوي الليل وحنا في انتظار المزيد

حياك الله ابو بشيت وابشر بكل ماهو جديد لشاعرنا

[مخاوى الليل]

قيلت هذه القصيده اثناء فتره علاج ولى العهد بالخارج انا ذاك الشيخ سعد العبد الله رحمه الله وطيب ثراه وفيها بعض النصائح العامه

يقول من هو صادق فى كلامه =ادلى بصوته يوم كثرن الاصوات
مايختفى بدر بليله تمامه =يطلع جلى للعيون السليمات
وعينى تشوف بشوف زرقا اليمامه =واذنى تسمع لطم موج المحيطات
وارقبتى اطول من ارقبت النعامه =دام الصباح النا حصون ومنيعات
مع شعبنا اللى وافى بالتزامه =حافظ على عهد الوفا ء طيب الذات
وصنا العهود ولاعلينا ملامه =هيهات ياباقى على العهد هيهات
لولا المعزه بالوطن والكرامه =تلقى الدروب مع الفجوج الوسيعات
وصلى المصلى مقتدى فى امامه =ويرجى من المعبود تخفيف سيئات
ومن حج بيت الله يحلل حرامه =مع ركعتين من بعدهن تحيات
ولاكل من يعهدله الحق اقامه =الحق له ميزان واقرار واثبات
ولاكل راسى يستحق العمامه =ولاتندفع سوو المنايا الا جات
يادار هنى عايد بالسلامه =هنيه يادار الوفا كل الاوقات
دار السعد هنى سعد فى مقامه =الله لايجعل لياليه عجلات
شيخ اذخره الله يحلل عظامه =اللى بنى للجود رسم وعلامات
واغدق على شعبه بحكمت نظامه =وعاش الضعوف اللى ولى امرهم مات
واميرنا الحالى علينا احترامه =الله يصد اخطاه عن كل عثرات
يوم الزمان اسدل علينا ظلامه =وتبدلن بيض الليالى بظلمات
وقامت علينا من قريب القيامه =وتقطعت فينا عراها الوثيقات
ابو مبارك ماهتنا فى منامه =لينه رفع عنا الحمول الثقيلات
ادى لنا الواجب ورد لجهامه =بمساندت من ينطحون المهمات
هبواعلى نصره وشدو حزامه =اللى لهم فى ماضى الوقت وقفات
ورفع لنا فى مركز المجد هامه =وخلا الكويت بحجمها عشر مرات
وصلوا على من ظللته الغمامه =وركب البراق وزار سبع السموات

[رباح القوبع الشريف]

	صح الله لسانه وبدنه وأطال الله في عمره الأخ / مخاوي الليل مشكور على هذه المشاركات الطيبة

[مخاوى الليل]

اقتباس : المشاركة الأصلية كتبت بواسطة عون الشريف [ مشاهدة المشاركة ]

صح الله لسانه وبدنه وأطال الله في عمره الأخ / مخاوي الليل مشكور على هذه المشاركات الطيبة

سعدت جدا فى مرورك اخى عون