يازين مرواح الحمر مع حتيفه ...كنه نداوي تصرم على اللوح

[راعي سبلا]

امسي على الغالين كلهم
وبما ان الوقت وقت مقناص هذي قصيده للشاعر والصقار العم فهد بن مشوح ابوحقطه رحمه الله قالها في سنة 73 وقتها الشرطه العراقية متشدده وتمنع المقناص وتصادر السيارت البنادق والطيور فرفض بعض رفاقه الذهاب الى العراق خوفا على طيورهم وسياراتهم ولكنه رحمه الله كان شديد الولع بالمقناص وذهب على الفرت ومعاه اطيب طيوره سلطان ورافقه شايع بن دغيم رحمه الله وبطاح ابوحقطه وراحو للشعيب سارين ونزلو اسطابات الفرت الخلفية ونزلو تهريب وصادو من الحباري واستانسو والقاع ممطوره والجو زاين فتذكر رفاقه وتمنى انهم معاه ليستمتعو بالصيد والربيع يقول

قلبي ليا منه تزايد زنيفه
جاوبت حس الراعبيه على النوح
انوح نوح الي توفى وليفه
تالي نماه وعنده اغلى من الروح
هب البراد وراح كلن بكيفه
وحل العبور وراح للطير طاروح
وحنا قنصنا للديار المخيفه
خدن ابعيد الي يجي فيه مطروح
دجنا بخدان سقاها خريفه
من اول الكنه سقى الروض والصوح
معنا نداوي سريعن رفيفه
اشقر يلوح الخرب في مخلبه لوح
ودجنا وذبحنا الحباري الطريفه
والفرت صاحي ماجرى فيه ساموح
يازين مرواح الحمر مع حتيفه
كنه نداوي تصرم على اللوح
ليا حداه دريوله لاهو بحيفه
دريوله شايع من الربع ممدوح

وسلامتكم

[صقر الجنيفا]

قصيده رائعه . صح لسان العم فهد ؛ وتسلم يمينك على النقل الرائعه ؛لاهنت

[الشريف فواز الجسار العوني]

الله الله رحم الله الشاعر بن مشوح بوحقطه قصيده جزله وفيها الكثير من المعانى النابعه من القلب

وجزاك الله خير ياراعى سبلا على السالفه وقصيدتها وشوقتنا للمزيد من هذا اللون من الشعر

[راعي سبلا]

اخوي عوني
تشرفت بمرورك الكريم
والروعه نتعلمها منك دائما في منتدى الصيد الرائع
تقبل تحياتي

[راعي سبلا]

ياهلا بالغالي والجزل والخلوق والذوق
الجسار
وابشر بالقصايد والسوالف الطيبة
وحنا نتعلم منك يالغالي
ولك اجمل تحياتي

[عبيد الوريثان]

راعي سبلا تبي الصراحه امتعتنا واشهد انك يبيلك حبة خشم على موضوعك

الله يرحم الشاعر بن مشوح بوحقطه قصيده جزله

[راعي سبلا]

ابن العم عبيد الوريثان
حبة الخشم لك يومنك شرفتنا بمرورك
وابشر بالقصيد والعلوم الطيبة يالغالي
تقبل تحياتي

[أبا القاسم]

جزاك الله خير وما قصرت وكثر الله من أمثالك

[ابن عوجا]

يعطيك العافيه

[عالي الصيت]

جزااااااك اللة خيرا يعطيك العاااافية