محاورة بين صياف الحربي و مطلق الثبيتي (رحمهم الله)
صياف الحربي
ياسلام الله ودار العـز مرفـوع علمهـا.....عقب شعشع نورها والظلم حال العدل دونه
الثبيتي لو اقول اقسم عيونـك ماقسمهـا......والتفت فيه بنظرة حسـد ويطيـر عيونـه
مطلق الثبيتي
يحفظ الله الجزيرة والشجاع اللي حكمهـا....مثل قصر ثابت السيسان واخوانه حصونه
صاحبي صياف ينهبها وياكلهـا..... بدمهـاليتها ماتاصل الحنجور تنشب في سنونه
صياف الحربي
المطية ماتقاود غير مـع رجـل خطمهـا....لو يضيع خطامها من طردها كثرت غبونه
انت اشوفك تفرس الصيدة وتاكل من لحمها.....والخوي لاضيع القانون قامـوا يشمتونـه
مطلق الثبيتي
المطية خلها فـي الـدرب لاتكتـم نسمهـا.....واحترص من غضبة الجمال لايضربك شونه
كل حية سمها فـي بطنهـا سديـت فمهـا.....وان لقيت الوعل ابو قرنين اطقه في قرونه
صياف الحربي
اكثر العربـان يلزمهـا وكنـه مالزمهـا....ثم راح من الزعل يمشي ويقطع من ردونه
انت مثل العقرب اللي تخلع الناس بوحمها.....مار جاها قاريُ شاطر دهنها من دهونـه
مطلق الثبيتي
ماعليه من عجوزك كان ماضوت غنمهـا.....وان زعل صياف جعل اللي وراه يحول دونه
امس يبني عشته في الضلع واليوم يهدمها....والهبايـب ماتهبـه والطراقـي مايجونـه
صياف الحربي
الله انه ينصر السنة ويظلـم مـن ظلمهـا....والعرب مايطحنون الحـب ليـن يفتشونـه
لو تشوف العشة اللي صاحب الخبرة حزمها....فوق ضلع كل ماطاح المطر تثمر غصونـه
مطلق الثبيتي
الآشارة فآخر الشارع بصدامه صدمها...الونيت اللي قديم وكل يوم يوظبونـه
المنايا ياوسيع العرف مايخطي سهمها....مارخلك صالح النية وعمك لاتخونـه
صياف الحربي
القلوب العمي خل الذيب ياكل من شحمهـا....والونيت اللي يسوقه صاحبـه لاتقربونـه
ليت بقعاء تلمس الرمضاء وتاكل من قدمها.....وانت يابو راس راسك ماتغير عن متونـه
مطلق الثبيتي
العيون اللي تهل دموعها منهـو لطمهـا....لو عرفته كان خليت الجماعة يحبسونـه
المطية يوم ريض مشيها محد( ن ) نهمها....لو نهمها كان تاصل مطرح (ن)ماتاصلونه
منقوووووووول