صفحة الشاعر والمؤرخ جازى البغيلى شواهد من التاريخ

[سعود]

اشكرك على القصيدهـ الرائعه وتقبل مروري ..)(.. بالتحيات

[الشريف بن عون]

اهداء من العضو سعود

بسم الله الرحمن الرحيم


قيلت هذه القصيده اثناء تواجد الشاعر جازى البغيلى فى رحلة علاج فى لندن واثناء فتح التلفاز سمع الخبر المدوى بوفاة امير القلوب الشيخ جابر الاحمد طيب الله ثراه ورثاه فى هذه الابيات

قال الشاعر: جازي البغيلي


فز الخفوق اللى سمع بـث الاخبـار
وتحمـل الصدمـه وهـزت ثباتـه
والدايم الله والقضاء صايـر صـار
ومافات فات ولاعجب فـى فواتـه
مات الامير الصالح العـادل البـار
وعزيـت نفسـى بالاميـر وفاتـه
مرحوم يامـن لـه معـزه ومقـدار
وعلى طريق الخير قضـى حياتـه
شيخ على حمـل المهمـات صبـار
رمز الوفا والجـود هـاذى صفاتـه
موصد ابواب الشر للخيـر مغـوار
ومقـابـل سيئاتـهـا بحسـنـاتـه
غيث على شعبه وغيث على الجـار
واللى يبـى مثلـه يسـوى سواتـه
يشهد له التاريخ من كـل الاقطـار
ويشهد لـه اللـى عمهـم ببركاتـه
الله يبعد منزله عن حضـاء النـار
ويزلفلـه الجنـه ويكتـب برائتـه
يادارنا ياكويـت يـادار الاحـرار
سيرى علـى نهـج بذرلـك نواتـه
وسيرى على خط رسمه كل الاخيار
وتـزودى بالخيـر مـن منجزاتـه
رعيلنا الاول دفع عنـك الاخطـار
وعز الكويت وضمهـا فـى عباتـه
وكم واحد جتبه صواديـف الاقـدار
جـا للكويـت ميبساتـن شفـاتـه
فقير حال ومن عنا الديـن محتـار
ولقى بها الراحـه وحصـل غناتـه
الله يبعـد عنـك ظالـم وعـيـار
ويبعد اهل الحسـد واهـل الشماتـه
ولاتامن الدنيا ترى الوقـت غـدار
والـدهـر مايخـبـرك بمغيبـاتـه
دوراتها تسقيك من كـاس الامـرار
وليدبـرت ماعـاد فيهـا التفـاتـه
ونبذه من التاريخ تكشفلـك اسـرار
وتخبرك بالارض الخبيـث ونباتـه
والحذر واجب من حفيد اهل الاشرار
عسـى الدبـا مايلتحـق بمهـاتـه
وخساير الدنيا بها اكبـار وصغـار
والخاسر اللى معرض عن صلاتـه

[الهلفي]

يعطيك العافيه أخوي مخاوي الليل وصح لسان شاعرنا جازي البغيلي

وتقبل مروري

[محمد شبيب البغيلي]

السلام عليكم شكرا اخوى مخاوي الليل والله الشي الزن طول عمره زين والله يعطيك العافيه على الموضوع الطيب وانشالله ان العم جازي مايبخل عليك لانه من الناس الطيبه والله يعطيه طول العمر والسلام ختام

[مخاوى الليل]

اخى الهلفى ومحمد البغيلى


اسعدنى مروركم

[مخاوى الليل]

قيلت هذه القصيده فى موقف المملكه العربيه السعوديه وعلى راسها الملك فهد طيب الله ثراه

يقول اللى تطرق للمثايل =وحضار الملا تسمع جوابه
يجود ابها الفواد اللى يحيطه =محاديب مثل قوس الربابه
الى منه طراله ماجراله =ماجاب الحمام الورق جابه
الى قلت المثل ماحد عقرنى =سليم العقل واللى فى ثيابه
وانا ماقول قول بدون شاهد =هذا التاريخ يعطيك الاجابه
زمان العام يوم انا بلينا =بشر الخلق لاسقا الله ترابه
وعلينا خيلت سوو المخايل =بنو حالك يردم عقابه
وتعاقبت الاهاوى بالبلاوى =وكثرات العدا منها مهابه
حشى لله مافينا جبانه =لكن الجو غطانا ضبابه
وركبنا اللى ملكنا من رحايل =وحر القيض ينحانا سرابه
وزبنا الله ثم اخوان نوره =دعاة الحق على اثرى الصحابه
لهم حق ولنا حق عليهم =الا قضب المهند مع نصابه
عيال الحرجو من بطن حره =موازين الدهر يوم انقلابه
مقادمهم فهد ذخر العروبه =يعرف المجتمع حضرت جنابه
صمت يومين والثالث تكلم =وعرفنا الصدق من نطقت خطابه
بذل حاله وماله دون جاره =ابو تركى سند منهو لجابه
سحب ثقل المراكب من بحرها =احد بالطيب واحد المال جابه
من البحر الحمر دارت رحاها =وصلطها على رووس العصابه
عليهم ضيق الارض الوسيعه =وسقاهم علقم مر شرابه
ابوه اللى ستر نجد العذيه =وامنها من مساعير الذيابه
واهو من عقبه البسها حلاها =وتزخرف نجد ومزبر هضابه
وصلاة الله على الهادى محمد =عدد ماخط فى محكم كتابه

[مخاوى الليل]

هذه القصيده قيلت فى موقف المملكه العربيه السعوديه مع شقيقتها الكويت

يقول من يلعب بديع المثالى =ماقالها منشان تعزف على العود
اقولها واذكر عن اللى جرالى =ولى ذكرت الصدق مافيه منقود
يوم البحر موجه غطانا الشمالى =وجانا مع الامواج زلزال ورعود
ودارت علينا دايرات الليالى =فى تالى الاضعان حاوى ومردود
وتعاقبن سوو المنايا العجالى =وشفنا وعفنا موقف مامنه زود
لذنا بديرت محتمين التوالى =لطامت العايل سلاطين آل سعود
اخوان نوره مدركين المعالى =الى زما العايل زمو كانهم طود
ارسو كما ترسى رواسى الجبالى =وقاموا بحمل اللى من الحمل مظهود
وتحظنو شعب الكويت بكمالى =حشا ولاننسى مواقف هل الجود
وقف فهد وقفت فحول الرجالى =وقدم لها المجهود واثمر له جهود
فهد الى عض الرشى بالمحالى =فعل يبى شاهد وفعل له شهود
يوم الكويت انزاح عنها الظلالى =افتكها من شر طارد ومطرود
ورجع لنا امير على القلب غالى =ابو مبارك مانقضنا له عهود
اميرنا قلبه من الحقد خالى =ومستارثين الجود من جد وجدود
ومرحوم يامن حط للمجد جالى =وخر فهد ومع الفهد جملة فهود
حول على مجرى الخطر بالحبالى =مايحمل الا صنعت العم داوود
عبد العزيز الا ذكر له مجالى =ممن رعايا نجد من كل نمرود
وصلاة ربى عد وبل الخيالى =وعلى نبى ثبت الحق بحدود

[مخاوى الليل]

حياك الله اخى مواطن اسعدنى مرورك

[مخاوى الليل]

قيلت هذه القصيده بمناسبة زيارة صاحب السمو امير البلاد الشيخ صباح الاحمد حفظه الله ورعاه الى اخيه الملك عبد الله ابن عبدالعزيز ملك المملكه العربيه السعوديه حفظه الله وسدد خطاه وهى تتكلم عن المواقف الطيبه بين البلدين

السيف للى تايه عن طريقه

يادارنا ياارض الكويت العريقه =ياديرة الاحباب عربين الانساب
دار مبانيها جديد وعتيقه =عمرانها من عصر ابا زيد وذياب
يادارنا ونجال بالصدر ضيقه =حكامها ماسكرو عنا الابواب
للشعب يبنون البيوت الانيقه =يسكن بها الشايب ويسكن بها الشاب
والشعب معطيهم عهود وثيقه =ولابين حاكمها ومحكوم حجاب
ويوم ابتلانا الله بما لانطيقه =بجيش غزانا ماخذيناله حساب
والنار شبت من وهجها حريقه =حتى الحديد الصللب من نارها ذاب
بيوم قوى الصبر يشرق بريقه =والصبر مفتاح الفرج يااولو الالباب
وعدونا بين وبين صديقه =واشتدت الهيجا ء وجات ام غصاب
وجتنا الفزوع مع الفجوج العميقه =والله نصرنا وانهزم جمع الاحزاب
جونا اهل العوجا الوجوه الطليقه =يوم ان تالى الجمع جاء فيه ضبضاب
ويا أخوان نوره تعرفون الحقيقه =والنصر عند الله وله طرق واسباب
خفض الجناح الى الضعيف وشقيقه =ولاتغمدون السيف عن قطع الارقاب
السيف للى تايه عن طريقه =حتى يدل الدرب غيره الى هاب
وقفاتنا يوم السنين السحيقه =وقفاتنا معكم على جد وكتاب
وقلوبنا لكم مصغيات ورقيقه =وانتم قمرنا يوم نور القمر غاب
وصلو على اللى شرف الله فريقه =والله يعفى عن مسىء الا تاب

[العونـي]

الله يعطيك العافية مخاوي الليل
وصح السان عمي جازي
واتمنى توافينا بمزيد من القصايد