قيلت هذه القصيده عند ماكان الشاعر جازى البغيلى فى رحلة علاج فى لندن وعند مافتح التلفاز واذا الخبر بوفاة امير القلوب الشيخ جابر الاحمد رحمه الله وطيب ثراه ورثاه فى هذه الابيات
مرثية الامير الراحل الشيخ جابر الاحمد طيب الله ثراه امير دولة الكويت
فز الخفوق اللى سمع بث الاخبار =وتحمل الصدمه وهزت ثباته
والدايم الله والقضاء صاير صار =ومافات فات ولاعجب فى فواته
مات الامير الصالح العادل البار =وعزيت نفسى بالامير وفاته
مرحوم يامن له معزه ومقدار =وعلى طريق الخير قضى حياته
شيخ على حمل المهمات صبار =رمز الوفا والجود هاذى صفاته
موصد ابواب الشر للخير مغوار =ومقابل سيئاتها بحسناته
غيث على شعبه وغيث على الجار =واللى يبى مثله يسوى سواته
يشهد له التاريخ من كل الاقطار =ويشهد له اللى عمهم ببركاته
الله يبعد منزله عن حضاء النار =ويزلفله الجنه ويكتب برائته
يادارنا ياكويت يادار الاحرار =سيرى على نهج بذرلك نواته
وسيرى على خط رسمه الك الاخيار =وتزودى بالخير من منجزاته
رعيلنا الاول دفع عنك الاخطار =وعز الكويت وضمها فى عباته
وكم واحد جتبه صواديف الاقدار =جا للكويت ميبساتن شفاته
فقير حال ومن عنا الدين محتار =ولقى بها الراحه وحصل غناته
الله يبعد عنك ظالم وعيار =ويبعد اهل الحسد واهل الشماته
ولاتامن الدنيا ترى الوقت غدار =والدهر مايخبرك بمغيباته
دوراتها تسقيك من كاس الامرار=وليدبرت ماعاد فيها التفاته
ونبذه من التاريخ تكشفلك اسرار =وتخبرك بالارض الخبيث ونباته
والحذر واجب من حفيد اهل الاشرار =عسى الدبا مايلتحق بمهاته
وخساير الدنيا بها اكبار وصغار =والخاسر اللى معرض عن صلاته
العرض المتطور
