هو حجاب بن عبدالله بن نحيت الحربي
ولد عام 1363هـ في الفوارة بمنطقة القصيم
وكان شاعرنا ملهم بالشعر ووهبه الله سبحانه وتعالى جمالا في الصوت
تحس بصوته اصالة البادية
وكان يعشق البادية ومحبا لها ويستشهد بذلك حين قال :
ياليتنـي بالباديـة ماتحضـريـت=ولا عرفت المـدن واللـى سكنهـا
ليتني مع الادباش ان رحت وان جيت=ليت الغنم والابـل مارحـت عنهـا
على يوم ويوم= راحت حياتي آآآآه
ما دام انا محروم= طيب اشتكي لله
ان غاب غاب النوم = غاب الفرح وياه
صار السهر لي دوم = عايش على ذكراه
ويا عيب الشوم= اخلف علي مبداه
بعد المحبه قوم= اخيه وا عيباه
ذا حبنا المرحوم= ليش اعتذر وانهاه
بعت بأول سوم =بلاش من دنياه
ابقى بدون هموم=افارقه وانساه
والهوى مظلوم= من مثله وشرواه
طبعا وذا مفهوم=صار الهوى مأساه
وكذالك
اجل مع مين اتكلم =ومع من للحب اتعلم
يعني اسكت واتألم = ما اقول شي ولا المس شي
يعني مش قدك يعني =او يعني ما تسمعني
او بتحب تلوعني= او قالوا لك لاجا عي
لما تمرق من جنبي =ما تحاكيني وش ذنبي
يعني مش ملزوم بي= او على شان اصلي بدوي
بالله لو تسمح وقف = واعتبرني متلقف
واللي ماهو متثقف= يسمح لو مهما يخطي
لا صغيّر وارجي تكبر = ولا غايب وارجي تحضر
ولا مريضٍ مضطر =كمال وجمال وحي
لو نعمل كشفٍ طبي= على حبك وحبي
يمكن حبك متغبي = والا يمكن حبك نيّ
تصور حالك بتحب = وتعالج ما تلقى طب
ومحبوبك يشتم ويسب= لو فرضنا انك مثلي
واصير انا حبيبك =وتغازلني ما اجيبك
واعمل على تعذيبك = وألعب بك كوره برجلي
لما سمعته شكواي =رد بدلع واستهزاي
تبغى اشيلك في مخباي =والا احطك في عيني
كل العالم بحبون =اكثر منا يا مجنون
تشهد شركه نجدي فون= كم واحد فيها بيشكي
ليه الصد الي هالحد=صافحني من يد لـ يد
عاهدني وانا اتعهد= اني لك وانك لي
حكم في غيرك =تعرف قوه تأثيرك
انا مقبل تقريرك = مدام انه على هالزي
لا تحرمني شبابي = تحكم حكمٍ غيابي
ارحمني لاجل اصحابي=والطف باحوالي يا خي
قل كلمه على هونك =تطلع من بين سنونك
مثل كلمه وشلونك= اسمعها وارتاح شوي
الحب اللي من هالنوع = منه اسم الرحمه ممزوع
فيه الميت والمصروع =اسهل من جرعات المي
هذي هي آخر دعواي = اسمها مسجل im
شعري والحاني وغناي= انتاج افكاري و ايدي
عسى الذي شال قلبك ما يتهنى بك = وانا عسى الله يجيب اللي يهنيني
واصرف من الدمع واقيد على حسابك = واقول يومٍ من الايام يوفيني
وتعيش مرتاح بين اهلك واقرابك = وانا يتكرم علي اللي يحاكيني
واخجل وارحمك واقدرك واهابك = وادراك والله مثل ما ادرى على عيني
مبلي ويا ويل من يا زين يبلى بك = يصير مثلي عسى ربي يعافيني
الله من ليلةٍ قابلت فم بابك = واقول ليت يهديه الله يناديني
مسكين يا قلبي الشوؤم وش جابك =لهم ومن جابني يومٍ يوديني
يا دهر لا تقطع اضلاعي بانيابك= يجوز واحد من اقصى الناس يشريني
________
لي قصةٍ عنها اكثر الناس يدرون = مع عالمٍ لا قابلوني تكهربت
ناسٍ اليا مروا مع السوق يمشون = اضيع ما اعرف الثلاثاء من السبت
اللي نسيتوا مالكم حق تنسون= يعني نسيتوني لأني تغيبت
اغيب وكل الناس مثلي يغيبون= كم بالقرى ناسٍ لهم ناس بالخبت
صديت واهل الحب عاده يصدون = لو الغلا بقلوبهم نابتٍ نبت
يخشون ناسٍ يرقصون ويدقون = هذا جرى يمكن وهذا جرى ثبت
وانا ولو صديت ما زلت مرهون = وش عاد لو في بعض الاوقات جنبت
أعيش في جوٍ (ن) من البعد محزون=من يوم عن ديرة حبيبي تغرّبْت
اللي تلوموني كفى لا تلومون= ولا تضيق خطركم لو اني تعذبت
يمكن بهالتعذيب راضي وممنون= والا على طول الزمن قد تدربت
وانا ادري ان الناس مثلي يحبون = لكن ما تعبوا مثل ما تتعبت
اظن ما محدٍ حب مثلي بهالكون= ولو قص واحد قصتي كان كذبت
شيٍ يخلي كامل العقل مجنون= ما كنت اصدق بالهوى لين جربت
هذا الخبر والحال من دون في دون= وانا خلاص من النهايه تقربت
واجاد العزف والتلاعب على اوتار العود برغم ان تقاليد اهل البادية
تمنع ذلك وعلم اهله بذلك واستخدموا معه اللين والشده حتى
ان اهله اشتكوه للحكومه لمتنعه عن الغناء
الا انه ابى وقال في احدى قصائده :
بس ش عليكم مني=وش لكم بي وبفني
يمكن مجبور اغني=لو ماهى طبايعنـا ونحمد الله انه تاب وندم وترك الفن الله يثبته ويعينه على فعل الخير
الشيخ حجاب بن نحيت يمين
وقد انتقل شاعرنا الى الرياض واشتغل بالتجارة الحرة
واليكم مقتطفات من بعض قصائده لتى اكثرها من الغزل العذري العفيف
حواريّة العين حورا الجبين===من البدو من شافها يهبلى
فقالت علامك صبي صغير===يحدد بي الشوف ماتخجلي
فقلت انا من هواك صويب===فروفى بحالى ولا تبخلـي
حتى عشقه وصل للكويت وعاصر الشاعر علي القحطاني فيقول :-
كنت جنبي كلن يشاهـد الثانـى==مار هالحين انتى وينك وانا ويني
بالسعوديـة وخلـى بخيـطـاني====الف كيلو حايـل بينـك وبينـي
لو حبيب الروح لاجيت حيانـى====كان اوصلهم لو امشي على عيني
وهاهو يشتكى لوالده من حب ابنة عمّه فيقول
(يا بوي أنا) والتي لها قصة أخرى يرويها الزمن بما فيها من الالتزام والصبر والإصرار على التقاليد والعشق والاحترام للرموز، ليست كما هي الحال في هذه الأيام!.
يابوي انا طال انتظارى ومليـت =صبري نفـذ ماباقـى الا قليلـة
صبرت يابوي وتحريت وابطيـت=والخالق ارجي رحمته واشتكيله
ماعاد ينفع بي دوا لـو تداويـت=والامر لله مامـع العبـد حيلـه
حبيت بنت العـم حبيـت حبيـت=من قبل ماتربط على الراس شيله
بينت لك شكواى وابديت ماخفيت=وابيك تجهد لـى بايـة وسيلـة
لاتحسبنـي دالـه يـوم غنيـت=اضحك مع العالم وروحى عليلة
الله علي جمعت ثلاثٍ لها صيـت=الديـن والدنيـا وبنـتٍ جميلـه وببساطة هذه الكلمات يصور نفسه بأنه مريض وينتظر من يسعفه
قبل ان يذبحه العشق
ياراعي البقس الاحمـر لاتخلينـي=تراي بارضٍ خلا لو كنت في ديره
واجبك يلزمك باسعاف المصابيني=وانا صوابي جديد وذي تقاريـره
ارجوك ياصاحب الموتر تودينـي=لا عفش معيه ووزني دوك تقديره
جلدٍ على عظم جعـل الله يعافي=نـيواللي على البال بيـد الله تدبيـره
اللي بكاس الهوى من المر يسقيني=شارك لسانـي بتهليلـه وتكبيـره
ماله نظـام محـدد بـه يمشينـي=كثير ماتختلـف عنـدي معاييـره
ياصل ويقطع ويبعدنـي ويدنينـي=بالشكل هذا عليه طالـت السيـره
يوم يحرّج علي ويـوم يشرينـي=يلعب عليّه وقلبي مايبـي غيـره
ماهوب قاضي علـي ولا مبقي=نـيراحت حياتي وانا في ظل تعزيره
بلا فوايد عليّـه راحـت سنينـي=مالي جدا غير قولـة يالله الخيـره
وهذه الكلمات الرقيقة لاتحتاج الى تعليق
سلامٌ سليـمٍ سلـم السلـم والسلـم==رقو رقـاق الريـق وارق وانعمـا
لمن صابني بالسهم عن حسن نيـة==هو مادرى عني وانا صرت مغرما
لهو رفـق امـواج الاثيـر تحيـة======من قلبي اللي في هواهـا مصممـا
فيـا سائـرات الريـح ماتحملينـي===او تجلبي لـى منـه ريقـاً معقمـا
فان كان لا هذا ولا ذا قولـي لهـا====تغيـر نهـاره وادلهّـم واظلـمـا
فلا الاكل يهنا لي ولا النوم طاب لي==اكلي ونومي بالوتـر حيـن ينغمـا
منعت لساني لايمـر علـى اسمهـا===اخشى العواقـب والكـلام الملثمـا
اؤلف الاشعار مـن شـان حبهـا=====من غير لا تـدري لحبـي وتعلمـا
ياليتهـا تعـلـم بحـبـي لعلـهـا========تعطف عليه بالماوصـل وترحمـا
القلـب مـن عرفهـا لجـا لـهـا=========خلا مقره وان رجـع لـه تحطمـا
ويبدو ان العذال لم يتركوا شاعرنا في حاله فيقول :-
حبيبي ياحبيبي وش بيدنـا - ؟زرعنا الزرع لكن ماحصدنـا
وهـذي حالـة الحـب دايـم - من اللي قبلنـا واللـي بعدنـا
ايلا قالوا استرحنـا وانتهينـا - حسدهم شخص مثل اللي حسدنا
فيا ربي تعرقـل كـل حاسـد - ولو يـارب ماهو فـي بلدنـا
لاجل الناس يرتاحـون منهـم - ويسلم منهم الاقصى والادنـا
حبيبي لو تطول ايـام بعـدك - على طول الزمن يبقى عهدنـا
وهاهو يستنجد بمحبوبته بأسرع من سرعة الصوت فيقول:-
عودي عليّ بسرعة تسبـق البـرق==عودي ترى الفرقـى تهـدد حياتـي
يامنيتي من بيض من سمر من زرق==يارغبـتـي ياغايـتـي ياغنـاتـي
صحيح من قال العذارى بهن فـرق==الاسـم واحـد مـار متخالفـاتـي
امشي من الطايف على وجة الشرق==ارجو التوجـه باسـرع الطائراتـي
موتي حدث ماهوب ذبحٍ ولا غـرق====شهيد حـب امواجـك المرسلاتـي
ماذا فعل العشق والحب بصاحبنا ؟ اقرأوا هذه الابيات لتعرفوا
نارن بكبـدي تشتعـل آه اف اف==بالله نادوا لـى جنـود المطافـي
مذكورٍ بالدوحـه غـزالٍ يوّصـف===يخشى عليه من الحسد لو يشافي
بابيض شفر سته وستين يعـرف==يستاهله ابـو الثمـان الرهافـي
يلومنـى بالحـب نـاسٍ ملقّـف====اللـي محبتهـم محبـة هرافـي
يا ناس انا في حالى ادرى واعرف===وش عاد قلتم مابـك الا العوافـي
وانا ادرى انـى بالمحبـة مكلـف====واشوف وجهة ميلتـي وانحرافـي
ادرى ولكن مااستطيـع اتصـرف====الا بميـزان الشعـر والقـوافـي
يا ليت من يوصل كتـاب مظـرّف===ويجيب شرح من اريش العين وافي
ياللي تـودون الكـلام المحـرّف=====ما توصلونه كامل بـلا اختلافـي
قولوا لها تامـر علّـي واتشـرف=====واجي على الاقدام لو كنت حافـي
الجسم ينشف ليه وشلون ينشـف====اليا حصـل حـبٍ تـلاه العيافـي
قولوا لها مسكين بالـدرب وقّـف====بارض خلا تسفى عليه السوافـي
وهذه من اروع ماقالها شاعرنا المرهف الحس حينما تصور ان
الحب والغرام ملك وقد ذهب اليه شاعرنا ودارت بينهما هذه المحاورة وكان سايد النمط الحجازي في ذاك الوقت وكل شاعر يحاول تقليدالحجاز بسبب انه هو الاعلاام في ذاك الوقت
طرقـت بـاب الهـوى ابتـعـرف علـيـه===قام وقابلني بالبـاب وخاطبتـه مـن فـم لفـم
من قبـل مادخـل معـاه وقفـت اقبـل يديـه===اقـول اهـلا اهـلا كيـف الاحـوال ياعـم
قال لى امرك هات هات ياحبيبـي تبغـى ايـه===قلـت ابطـوّع للحـب اخـذ دوره واتعـلـم
قال لى ابشر بس اخاف تقولي شغلـك ماابيـه===لما تشـوف التعذيـب ياابنـي اخشـى تنـدم
قلت الله يرضى عليك بـلاش تعمـل تشويـة===قال انا لي شروط قلـت امـرك ياعمـي سـم
قـال تـداوم باستمرارواسـم الراحـه مافيـه==حتـى تـرى وقـت النـوم لازم لازم تتحلّـم
وقال انا مانى مسئول علـى اللـي يفقدغاليـه===لسبـب مـن الاسبـاب اللـي عنهـا اتكـلـم
مثل اللي خله يجفـاه والا اللـي خلـه ناسيـه==والا اللي خله مشغول والا اللـي خلـه يُحْكَـمّ
وقال انا مامني شـي اجـر العاشـق وارميـه==كلٍ حظك ياحظيظ يسقـط كـم وينجـح كـم؟
سألني بعد انهاء القول رضيت بهذا؟ قلت ايـه==قال اعتبرناك محب تفضـل ادخـل مـن ثَـمْ
طلّع سجل الاحباب والحق اسمـي فـي تالـيه==قال لى خذ اعمل توقيع وامضيت بأحرف من دم
يالحلو الحالي محلاك= يا احلى كل الحلوين
مافيه بالدنيا حلياك= الا مع الحور العين
نورك من خلف الشباك =يجهر مثل الاكسجين
وشلون اميز بهاك=وانا اغمض لا تعمين
الله يا سيدي يحماك= من عيون الحاسدين
يسعدني عزك وارضاك=يفرحني لو مالي شين
انا عايش في ذكراك = خيالك دوم يبارين
ابدا ما والله انساك = حتى ولو غبت سنين
واحب سيتك وحسناك = مهما صرت من القاسين
شلت وصاتك لاجل ارضاك =ماانسى يوم انت توصين
اقصى مالي قلبي هاك = خذ قلبي وامش بقلبين
مملوك وبأيد الملاك = تبعدني والا تدنين
الله يامرك وينهاك= يهديك الله قل امين
بأجمل زين الله سواك = صنعة رب العالمين
كن اسنانك بين اشفاك =لؤلؤ مصفوفٍ صفين
والموت بمقرن حجاك= يذبح ذبح بلا سكين
اخير روحي تفداك= يا روحي يا نور العين
انا احبك وانا اهواك = تبغضني والا تغلين
آخر تعديل عبيد الوريثان يوم 09-27-2009 في 09:55 PM.
للمعلومية بعض القصائد التي غناها حجاب ليست لسلطان القنور ولكنها لئخية ناصر القنور رحمة الله علية ومنها تجريبي الاقدار من دون مختار وقلبي تعلق مع فتاتن سعودية ووادعوني واخر الكلمات ونة ياجار انا برحل عن ادار ياجار وغيرها الثير
مشكور يا ولد العم ناصر القنور على التوضيح وكم يسعدنا ان نعرف الكثير والمثير عن العونه وعن قصائدهم وعن بطولاتهم من هذا الموقع ومن العونه ونعم والله في الشاعر ناصر القنور
وكم نتمنى منك يا ناصر القنور ان تتحفنا في مثل هذه القصائد ولك مني اجمل تحيه
شكرا يأخي عبيد
والشكر للأخ ناصر على التوضيح والشاعر المرحوم ناصر بن علي له العديد من القصائد التي نسبت للآخرين منها ماجاء في ديوان رسائل بلا عنوان لابن نحيت وغيره نقف عن ذكرهم.
وللمعلومية هناك قصيدة اشتهرت في الجزيرة العربيةوهي: ياعين هلي صافي الدمع هليه....
ونسبت لنورة الهوشان ، والصحيح أن صاحبتها هي نورة الحوشان، التي ترتبط بالقنور برابطة قريبة وقوية
حجاب بن نحيت حياته وشعره
العرض العادي
