[blink]ديوان الشاعر : (( سالم حزمي زبن اللميع ))
--------------------------------------------------------------------------------
** قصائد الشاعر :[/blink]
--------------------------------------------------------------------------------
(( 1 ))
الموت حق وكل نفـس تذوقـه
مير البلا من شاف موته ولا مات
من واحدٍ قلـب المعنـا يسوقـه
بـدل ليالينـا الهنيـه بونـات
وشفيه عرضني مهالك طروقـه
وانا تحملت الخطا منـه مـرات
لو هزت اشواقٍ بقلبـي خفوقـه
ماكان تسهر عيني وعينه تبـات
لي دمعةٍ لامن ذكرتـه سبوقـه
تهمل ويقفاها من العين عبـرات
بعنا وشرينا لا ربحنـا بسوقـه
ولاني بحاسب ربحها والخسارات
اوفيتله ماكان له مـن حقوقـه
وهذا ولي عنده حقوقٍ قديمـات
ما ارتجي غيمٍ تكاشـف بروقـه
لاهبت رياح الشمـال القويـات
ولابه قوي الا واقو منـه فوقـه
والعمر لو طالت لياليه لحظـات
يالله عسى ذيك المخايل صدوقـه
وترجع لنا زملٍ بعيد المسافـات
--------------------------------------------------------------------------------
(( 2 ))
ياشوق لو انك عن الحـال تـدري
وتشوف حال اللي هواكـم براهـا
ياشوق دمعي فوق الاوجان يجري
وكثر البكا هدد عيونـي يعماهـا
ياشوق يكفي كني العـود مبـري
وش لك بحالٍ ياإسن مـن رجاهـا
ياشوق وش ينفع صدودك وهجري
وانت ابعد عليّ من النجوم بسماها
وجدي عليك ياشوق واطول صبري
وجد الذي ماتـوا بيـومٍ ضناهـا
وجد الذي من قبل يحجى ويـذري
دارت به الدنيـا وضامـه شقاهـا
وجد الذي من عقب ماهوب مثري
قـام يتعطـى لابتـه وقربـاهـا
ياكثـر عبـراتٍ تكسـر بصـدري
إليا انقضت هذيـك هـذي وراهـا
جرحتني ياشوق والجرح خطـري
وجـروح قلبـي مالقينـا دواهـا
خاشرتني ياشوق حتـى بعمـري
قربك سعد روحي وغايـة هواهـا
جبرتني يامشعـل القلـب جبـري
حتى عيوني لـو بكـت ماكفاهـا
اتركني اسعد لو ثوانـي بعمـري
يكفي علي دنيـاي دارت رحاهـا
--------------------------------------------------------------------------------
(( 3 ))
يضيق صدري كل ماجيك زعـلان
وتضحك لي الدنيا ارضيتوا علينا
ياما نجي نستسمحك وانت غلطان
ليتك إليـا منـا زعلنـا تجينـا
وش الذي غيرك ياخدر الاعيـان
وش السبب يومك تكبـر علينـا
نسيت يومنـا حبايـب وخـلان
كان انت ناسي حبنـا مانسينـا
راع الوفا يازين يجزى بالاحسان
وهذي سلوم الناس في كل حينـا
حطيت لك بالقلب يازين مسكـان
وياما شربنا من الهموم وروينـا
واليوم لك شانك وحنا لنا شـان
ولاتصدق اللي قال منـك بكينـا
--------------------------------------------------------------------------------
(( 4 ))
عـزاه ياعيـنٍ تزايـد بكـاهـا
على قبـر خـلٍ تـوده وتغليـه
مالوم عيني لو تزايـد شقاهـا
الله من غالٍ تحبـه دفـن فيـه
ذكرت وقتٍ فايـتٍ مـن غلاهـا
ولااحدٍ يلوم العين لو كان تبكيه
طرالها عصـرٍ تقضـي معاهـا
لو كان ميت قامت الروح تدعيه
ليته نظر حـالٍ فراقـه براهـا
ولا نظر عبرات عيـنٍ تناجيـه
عزاه من هـمٍ بروحـي طواهـا
عجزت اكنه بين الاضلاع واخفيه
يا الله يارافـع مبانـي سماهـا
ياواحدٍ كـل المخاليـق ترجيـه
تجبر عزى نفسٍ تزايـد عناهـا
وتعوض قلبٍ منفجع عقب غاليه
--------------------------------------------------------------------------------
(( 5 ))
ياعين لو كان البكا يرد غالـي
طول العمر والله لخليك تبكيـن
واني لنوح ولسهرك بالليالـي
لين انك تهلين دمـعٍ تخزنيـن
على الذي ياعين اقفى بحالـي
ومايرجعه كثر البكا لوك تبكين
راح ومكانه داخل القلب خالـي
ولاعاد ظني غيره احدن تحبين
ذكراه صوره خالده في خيالـي
ماتمحى صورة حبيبن توديـن
اول ان جيته حبيبـي عنالـي
واليوم عنه لي زمانين ياعيـن
ويلي على لاما وليفٍ غدالـي
ابكي على لاماه والناس ممسين
كثر البكا ياعين ما رد غالـي
لاشك كفي عبرتـك لا تهليـن
--------------------------------------------------------------------------------
(( 6 ))
مرحـوم ياواحـدن بالحلـم لاقيتـه
اللي عن العين غايب لـه زمانينـي
واجهت في مرقدي خلـي وناديتـه
وجاني على عادته يضحك نظر عيني
فزيت من مرقدي عجلـن وظفيتـه
وهلت دموعي على خـدي تعزينـي
سمعت قـولٍ ألا ياليـت ماوحيتـه
يقول ربي حسيبـك كـان ناسينـي
مفات يومن حشى من راح ماطريته
وتكثر طواريه لاجـا الليـل ليلينـي
ياكثر دمعن عقـب فراقـاك هليتـه
يشهد علي الولي ياكامـل الزينـي
كم من عذابٍ عقب فرقـاك قاسيتـه
من عقبكم ما لقيت اللـي يواسينـي
ياما ودمعـي علـى خـدي تمنيتـه
مرحوم ياواحدن كـم كـان يغلينـي
من غير ماوادع المجمـول خليتـه
في لحظةٍ محزنه فارق نظر عينـي
--------------------------------------------------------------------------------
(( 7 ))
ياشوق من دونك ظـروفٍ حدنـي
وانت الذي مالك بديلٍ مع النـاس
ماقرّبـك كثـر البكـا والتمـنـي
وحبك بقلبي يا الغضي ماله قياس
العام في قربـك ياشـوق متهنـي
واليوم لا والله علينا القـدر داس
حكم القدر خيب ظنونـك وظنـي
وحط بحشا قلبي مع الهم هوجاس
هموم قلبي يا الغضـي نازعنـي
وعقب الهنا قلبي من الهم محتاس
سود الليالي من عناهـن سقنـي
همٍ يحط بكامل العقـل وسـواس
ليت الليالـي بسرهـن صارحنـي
او ليت الليالي بيننا كلها اونـاس
سود الليالـي اضحكنـي ورمنـي
واخذت في بحر الهواجيس مرواس
ايـام هجـرك بالهـوى لوعنـي
وقلبي عقب فرقاك بالهم غطـاس
من عظم جرحٍ بالحشى مستكنـي
عروق قلبي يا اريش العين يباس
سود العيون بسهمهـن صوبنـي
جل الذي سواك يا عدم الاجنـاس
يامـا عيونـك باللقـا واعدنـي
وياما سقني من عنا الحب بالكاس
وياما عيوني من جروحـك بكنـي
ظلمتني يا الترف واقـول لابـاس
امانتـك لاتقطـع الوصـل عنـي
لو طالت الدنيا ترى الناس للناس
--------------------------------------------------------------------------------
(( 8 ))
أعاهدك باللي فرض حجة البيـت
مجفاك لو قبـري يشيـد ترابـه
جاني خيالك في منامي وفزيـت
وهلت دموعي مثل وبل السحابه
ياما على شوفة خيالـك تمنيـت
عزاه من جـرحٍ بقلبـي لجابـه
وياما من هموم المحبه ترويـت
والقلب زاد من الهمـوم إلتهابـه
وياما وياما من جروحك تداويـت
لاشك جرحك مايفيـد الـدوا بـه
وياما وياما بعالي الصوت ونيت
على الذي ماعاد يبـري صوابـه
ماينفع المجروح كثـر التناهيـت
جرح الهوى ياويل قلـبٍ لجابـه
كم من جروحٍ بالهوى منك عانيت
وجرحك بقلبي كل شخصٍ درابـه
أفرح ويطرب خاطري كل ماجيت
وقلبٍ تولـع فيـك لا واعذابـه
قالوا تمن قلـت ياليـت ياليـت
ألحق هوى اللي تل قلبي وغدا به
في مرقدي كني ندهتك وصديـت
ارحم جريحٍ صاح من حر مابـه
وجرحي خطيرٍ مير كاني توفيـت
أمانتـك قبـري تـزاور ترابـه
--------------------------------------------------------------------------------
(( 9 ))
لي حبيبٍ شوفته تصعـب عليـه
يا (( بدر )) ياخوي بلغهم سلامي
اتمنـى شوفتـه وأبغـى مجيـه
مير اخاف الناس تِلحقها ملامـي
لو زهتني غيرهـا مالـي بغيـه
وارده قلبي مثل ورد الضوامـي
شايفٍ بعيونهـا جـروحٍ خفيـه
والعيون اللي رمتنـي بالمرامـي
شكلها ولبسها لبـس حضريـه
والبداوه فيـه حتـى بالكلامـي
نوبةٍ اتجيك فـي زيـن ابدويـه
ونوبةٍ ترمي العباه مع اللثامـي
لامشى مثـل الحمـام الراعبيـه
شاركت في مشيها حتى الحمامي
--------------------------------------------------------------------------------
(( 10 ))
أقسمت لك بالله ودين بثـر ديـن
وعهدٍ علي وبالنبـي والصحابـه
وبحق آيـاتٍ تلوهـا المصليـن
وبحق بيـتٍ ذاكـره فـي كتابـه
منساك مادمنا على الارض حيين
وغلاك في قلبي غرس كل نابـه
تشهد على حبك دموعٍ من العيـن
هلت على خدي سوات السحابـه
ويشهد علي ليلٍ به الناس غافين
اسهر مع نجومه واقاسي عذابـه
وجرحٍ بقلبي منك مالـه مداويـن
جرحك لجا بالقلب واحكم صوابـه
ولو ان جرحك جربـوه المحبيـن
يصد عن درب الهوى من مشابـه
وياصاحبي لو للمحبـه سلاطيـن
لصيح باعلى الصوت قلبي غدابه
واشكي واقول اهل المحبه مساكين
من ينصف المجروح مما لجابـه
هذا اعترافي للغضي كامل الزيـن
اللي نهب عقلي ولا احـدٍ درابـه
--------------------------------------------------------------------------------
(( 11 ))
صوت وصدى بين الشاعرين :
( سالم حزمي زبن الميع )
+
( مسلم البحيري )
الصوت للشاعر : ( سالم حزمي زبن اللميع )
البارحة فكري غدا فيـه وشـواش
من واحدٍ حبه يحش الحشى حـش
عقب الغلا صار اريش العين غشاش
الله يعاقب يالبحيـري هـل الغـش
عروق قلبي اليوم عقبـه عطـاش
والدمع من عيني سوات المطر طش
طاع العدو خلي سمع هرجة الواش
وعزي لقلـبٍ فـي هواهـا تبلـش
لو هم قلبي ينقله حي مـا عـاش
ولو هم قلبي ينشكي للبحـر نـش
اتعبت نفسي يالبحيري على مـاش
ولا حصل شـي يطـرب وينعـش
غير هوانا كـل عـاذل وحشـاش
يحميك منهم ربنـا والـي العـرش
راعي الحسـد عـن السـر فتـاش
ويرتاح لامنه بعرض العرب حـش
يابوحميّـد كيـف عقبـه بنعتـاش
كيف اتصرب والقضي بالهوى غش
الصدى من الشاعر :
( مسلم البحيري )
يامرحبا في خط من هيـض الجـاش
وخـلا ضميـري بالتماثيـل ينبـش
واخذت لي في بحر الامثال مطـراش
ولولاك يا سالـم فـلا فيـه نطـرش
باهديك كلمـاتٍ كمـا الـدر وقمـاش
ولا عاد فينا يابـن حزمـي تحـرش
ان كان قلبك صامـلٍ مابـه دغـاش
اسمع كلامي وافعلـه بالـذي غـش
وخـلاك مهمـومٍ بالافكـار منـداش
كن العقل فـي راسكـم يافتـى نـش
من باعكم بالرخص بيعـوه ببـلاش
هذا جزا من غش ثم احـرق العـش
تلقى عوض من غش مكحول الارماش
غروٍ حسين اطباع مير انـت فتـش
اوصيك بالممدوح عن رفقـة الـلاش
لوهو على دربك لـك الـزل يفـرش
اياك تبعد يابن حزمي عـن الطـاش
ماكـل بحـرٍ يافتـى الجـود ينـدش
وترى الهوى مثل البحر ماله اقيـاش
ومن لا يحسّـب للعواصـف تفلـش
منقول
ديوان الشاعر : (( سالم حزمي زبن اللميع ))
العرض العادي
