من هاجس(ن) ما يجيه الشك والريبه =سلام يا ترثة محمد رسول الله
حنا هل المجد والتاريخ والطيبه =حنا هل الدين والتوحيد والمله
لو ما يصلي علينا الشاب والشيبه = مالله بقابل صلاة(ن) مالها حله
يا طيب من وثق التاريخ يا طيبه = انا اشهد انه زعيم ويبري العله
فايز ليامن نوى في درب يمشيبه=لو كان يبغى شموخ المجد ياصله
يرقى على هامته ويعيد ترتيبه = بالحق والمرجله والطيب يحتله
وأنا ليامن مدحته مابها عيبه = ماني خليل(ن) تعلق في هوى خله
ولاهو كما اللي تزوزع به عراقيبه = متستر(ن) بين خلق الله من الذله
اللي جمع زمرة(ن) تنقل اكاذيبه = شلة هوى مير ما نشره على الشله
لومي على اللي تردى في معازيبه = لو شاف له مصلحه معهم يجي كله
ان كان عالي يحدر من مراقيبه = وان كان واطي ترى محد(ن) بنازله
ما سر ربعه ولو كثرت مناصيبه = لاشــك ابـو حامد الصنديد فاطنـلـه
ترثة محمد رسول الله
العرض العادي
