آلسلآم عليكم ورحمة الله وبركاته
قصيدة إهداء من الشآعر / علي محمد العلوش
إلى
عبـيد بن شوق
،،،
بزهم على الطيب زبون المخاسير=الي اليا ضاقت عليا لقيته
نطاح صلفات الامور المعاسير=ويشوش للفزعه اليا من جيته
(ابوسعد) نسل الرجال المناعير=بالطيب من بين العرب ذاع صيته
لاجيت عنده شفت كل التباشير=كني مبشر بالسعد وسط بيته
(عبيد ابن فالح) ابوجهه تياسير=يضحك احجاجه لازهمته وجيته
من ساس (عون) اهل الفعول المشاهير=كلن بطيبه ينشهر لانصيته
كلام له عندي شهود وتقارير=مبطي بتاريخ المراجل قريته
ماهو كلام اللي تدق المزامير=إلآ اكيد وفعلها محتميته
ولآانت (يابن شوق) وش سالم الزير=طيبك تعدا الزير من ماجنيته
(ويابوسعد) يمك قطعنا المشاوير=ومثلك ينومس بالزمن لاعتزيته
افزع معي في فزعتن تسبق الطير=ترى الزمن من ماجرالي بكيته
انت السند اللي يزف التباشير=وشخصك بعد رب الخلايق رجيته
ماجيتك إلا انك زبون المخاسير=ورجلن الياجات الشدايد لقيته