السلام عليكم ورحمة الله وبركاته
متواضعه كتبتها على عجل
اتمنى ان تحوز على رضاكم
بعض الكلام يعيد ترتيب الالحان = و افكارنا ثارت وجينا و جبنا
قصيدة ٍ ترقى على كل الازمان = كتبتها إلين طابت و طبنا
على عيال العود ذربين الايمان = عيال عون اللي وفاهم سلبنا
ياصاحبي ماجيت اعبر على شان = اقول سوينا , غزينا , غلبنا !
حنا لنا فـ المجد سـيرة وعنوان = والعز لامنا فعلنا قضبنا
ونسابة الاشراف في كل الاوطان = كل ٍ شهد ياصاحبي في نسبنا
من عين بن قنور لـ مويه هكران = والسر وديار ٍ عليها كسبنا
عيال عون بكل ديرة وميدان = تاريخ والتاريخ فز وكتبنا
وسلامة عماركم
فيصل الشرعان