قصيدة جميلة من شاعر جميل الشاعر سراح شبيب بن عتوان العوني
لا تـنـبـش الجرح تكفى دامني ناسي = مالك ومال الكلام وكثر ترديده ؟
بعض الكلام إن سمعته صكني راسي = ولا فيه داعي تجيب العلم وتعيده
الناس ما ترحم المظلوم وتواسي = ولا تتركه في سبيله يوم وتفيده
بالعكس تلقالها موضوع بإتعاسي = والناس تسمع كلام الناس وتزيده
ما قلتلك خلني مرتاح بإنعاسي = وأسمع مع الصبح للعصفور تغريده
وأشم ورد الصبـا وأريح انفاسي = وأقطف من اعناب نسياني عناقيده
بلاش نبش الجروح وخلني ناسي = مالك ومال الكلام وكثر ترديده