سمعت هرجه من ابن النون
زادت علينا عـجايبهــا
ما يحسب ان العرب يوحون
الروس يا خوي قاصبها
من يجهل الحق ماله لون
لا تنقلب فوق جايبها
يوم ان به طاعن و مطعون
البل محد(ن) يقربها
حنا كسبنا بحرب وكون
ولا ناخذ الا نجايبها
حمر البغيلي لها مضمون
ما تنحني لك غواربها
ماهو بكسب(ن) من القانون
ولاهو من السوق جالبها
واليوم عقب الرخا والهون
نفرح بها يوم نحلبها
شعل(ن) مع الدوله ترى تمون
ويعاتب اللي يعاتبها
لقبل عليها يجر لحون
ويعرف بالعون غايبها
وعيال صالح معاهم لون
اصقور تدمي مخالبها
وضح(ن)رغاها تقل صابون
ما فكروا في مكاسبها
وعيال مطلق لهم بالعون
ذود(ن) مغاتير مطيبها
دايم فحلها يجي مزيون
وابكار محد(ن) يعذربها
وضح(ن) لها بالجمال فنون
على جديان صاحبها
حطت بكبد العدى طاعون
واتود شوفت حبايبها
ولاني بناسي سلايل عون
شجعان تشهد حرايبها
لاشك هذا الزمن ملعون
اوقات تملك ثعالبها
واختامها لو تخيب ظنون
نلحق حنشها عقاربها