رديه غنيم السهلي و ذيب الاحبابي
--------------------------------------------------------------------------------
صوره قديمه الشاعرغنيم السهلي
الشاعر ذيب الاحبابي
هذه القصيده للشاعر غنيم بن الخبيش السهلي موجهه الي الشاعر ذيب بن دخيل الحبابي
.
.
على دوجتك ياذيب ماشفت نجع ذيـاب
هل الذود واهل الجيب والوايت الصتـي
تراك المشبـب لالقيتـه وابـن شبـاب
حبال الرجا عقب التثنـي غـدت بتـي
جذبهم خريفن بارقه فـرق الاصحـاب
عسى الي فرق شمل العرب يجمع الشتي
وانا من فراق الشمل ياذيب راسي شاب
تلوت اغصون القلب يوم الورق حتـي
وانا اعالجك ياروح واكثـر الاطبـاب
على ذا الطريقـه لاحييتـي ولا متـي
علاج الدكاتر مايكفـي عـن الاسبـاب
معي كل يوم ونقصـك يبيـن مازدتـي
ورد الشاعر ذيب الحبابي بهذه الابيات
.
,.
.
هل الجيب ممساهم بعيدين عن الطلاب
بعيدين عليك وجوهم صار بـه غتـي
واظنك رقدت واثر القمر قـد غـاب
سكاتك غبينـه وان بكيتـي تنقدتـي
ولكن نصيحه يارفيقي تصـك البـاب
اظن الحرامي دمر الـزرع و الجتـي
ولا يا عيون الى تتقيـن الاصحـاب
وياليلتن غاب القمـر فيـك لاعدتـي
وجانا بشير وقالو انه قشـع لطنـاب
عسى العلم ثابت ياقلوبـن تباعدتـي