عيدية!!! الأجهـــــــر

[بن عون الشريف]

بندقك عوجا وانا بندقي تلكش لكوش
يا كثر ما صبت والخرج بالصيد امتلا
مرت(ن) تمدح بشعري ومن صيته تشوش
ولا زعلت تقول خاوي وشعره مهزلا

[الشريف فواز الجسار العوني]

ياابن الأجهر عندكم شئ غالى ومخشوش= وارثه من جدكم راعِ الحسو الأولا
أنتهض وحفر مكانه عسى تلقى نتوش= وان لقيت الورث لاتجحد الى يسئلا

[عبدي الجسار]

بارك الله فيكم
اموركم طيبه
مـــــتـــــابــــــــع ...

[عالي الصيت]

ياسلام هاللة هاللة

[بن عون الشريف]

نكفل الايتام والغاديه واللي يطوش
واللئيم اليا تمادى نقضبه الخلا
وانت خلك في ذرانا تحاما بالوحوش
شيمت الاجواد بالطيبه ما تبخلا

[الشريف فواز الجسار العوني]

حل ذبحك ياابن الأجهر مع هاك النعوش= مير طعنى فى ذرى ربى أدع وهللا
سعد من جانا يبا الفزعه من ناسٍ تغوش= نعدل الميزان بالحق لا(ما)نخذلا

أستغفر الله ثم أستغفر الله من قول ((حل ذبحك)) والقصد من هذه الجمله شدة المبالغه فى أسلوب التحدى عند الشعار وهو بمعنى ((سأقضى عليك بالشعر وهذا أسلوب مبالغه. لاتقولون الجسار ترى أفتى فى جواز ذبح بن عون الشريف اللهم بلغت اللهم فشهد.هههههه!!!!!

[الراوي]

ثنائي عجيب
متابع

[بن عون الشريف]

المطوع يعرف الذبح والله خوش خوش
يحسبن الذبح مثل الكنافه والحلا
يا ولد جسار ما تذبحون الا الكبوش
ذبحت النفس الزكيه تراها معضلا

[الشريف فواز الجسار العوني]

عاد عيدك والدعاوى تراها بوش بوش= كلِ مابالدعوه نِسمع قصيدك للملا
شاربك يستاهل الكبش وكبار الهروش= وأنت شاعر وأعذب القول أهلا ومسهلا

[بن عون الشريف]

عساك من العايدين وانا قلت ننهيها احسن على خير يا بطل