الله واكبر عقب هدم الدواوين = زالوا حديقة بيتنا واهدموها
البر حطوله رسوم ٍ وتأمين = والناس ضايق صدرها واكتموها
البحر من دونه قصور السلاطين = عن شوفة أمواجه عيوني عموها
حتى المقاهي اخلطوا زينها بشين = سنّوا قوانين النكد والزموها
ضاقت علينا نروح يا ديرتي وين = واسماءنا بمنع السفر عمموها
في وسط دولتنا وصرنا مساجين = أفراحنا غصب ٍ علينا أعدموها
ما عاد فينا عقل صرنا مجانين = الناس تصرخ يا حكومه ارحموها
ما قل دل: حمد المخيال