قصيدة
فلاح جفران مطلق الدغيم العوني
منهو اللي يخيل البـرق ابقعد واخيله . . هو من الشرق ولا بارق(ن) بالشمالي
انعشوني على العمدان حالي نحيـله . . ظـــن لــشفت بـــراقه يربـــع بحــــالــي
قالوا البـرق يبـرق بالمـزون الثـقيـله . . وشتبي فيه يفـرح فــيه راع الحـلالــي
قلت جعله على ديرة طويل الجديلــة . . ياخذ اسبوع والما ناقع(ن) بالســهالي
ظـن يـأتـي عـليـنا مثـل دور الثـميله . . يجمع شمولنا والوقـت وقت(ن) عدالي
الله اقوى ولا بيديي يالعذب حــــــيله . . مير ابصبر وذي دبـرة عزيــز الجلالـي
هذي القصيدة اخذتها من عمتي (اطال الله عمرها على الصالحات) بنفسي وهي المقصودة في هذه القصيدة
قصة القصيدة:
الشاعر كان متزوج بنت عمه اللي هي عمتي اخت ابوي ومابقت معاه لانها تعتبره مثل اخوها لانهم كانوا رابين في بيت واحد وهم صغار فطلقها الشاعر اكراما لها ولوالدها وبعد فتره بسيطة من الطلاق مرض الشاعر ودخل المستشفى الامريكاني بالكويت وقال هذي القصيدة يدعو الله فيها ان ينزل المطر على الكويت ويربعون اهلها واهل بنت عمه وان يشافيه الله ويرجعها لذمته مرة ثانية ولكن شاء الله ان يتوفى في نفس المستشفى ولم يغادره الا الى المقبرة,,,وقد توفي الشاعر في اوائل اربعينيات القرن الماضي
رحم الله الشاعر فلاح بن جفران مطلق الدغيم العوني
قصيدة فلاح جفران مطلق الدغيم العوني
العرض العادي
