آه يا تصديعة الراس مـن بعـض العلـوم
وآه يا ويل أم الأعصـاب يـا ويـل أمهـا
من سبب دنياً إلى من صفى لي كـم يـوم
جتنـي أمـورٍ لـك الله عجـزت أتمـهـا
ايه يا وقت المصالـح وضيعـات السلـوم
وين خال ( الفزعة البكـر ) ولا عمهـا؟!
الصديـق يْصـدّ عنـي وعدوانـي تلـوم
مـا لـي إلا رب الأربـاب يجلـى غمهـا
اسهري يا روح الأشراف مع نور النجـوم
واقهري تصنيف الأعراف وانسـي همهـا
راحت أيام الهواشـم ولا راحـت عـزوم
باقـي عيـال الهواشـم تحـل مْطمـهـا
ما بحلنا بالمناعير . . وش عاد الرخـوم؟
نآكـل لحـوم الحيايـا ونشـرب سمـهـا
ولا علينا من غشيمٍ على الطـاري يحـوم
تبطي هـروج الملاقيـف مـا حـن يمهـا
( اسمنا ) وكبار الأمجاد: مولودين ( توم )!
مـا فـرق مـدح المخاليـق ولا ذمـهـا
تقضي الدنيـا وأهلهـا ووجـه الله يـدوم
اسكني يا روح الأشـراف وانسـي همهـا
وسلامتكم
روح الأشراف
العرض العادي
