[SIZE="5"] أوقاتكم سعيدة أحبتي
(( مقدمة لابد منها ))
تظل المساجلات بين الشعراء لهاخصائص لاتتوفر في غيرها
وقليل من الشعراء يقرأ ماوراء الحروف
ويعي للمغزى المراد فيرسم لوحة يزيد بها توهج الأخرى
فنمتع نواظرنا بلوحتين ولا أجمل
وحتما لابد أن يكون هناك توافق بين الشاعرين
وبودي أن نسعد بعرض لوحة ولوحة بين فترة وأخرى
بشرط أن نجيد الإختياروننتقي اللوحتين والشاعرين
لأنه كما قيل
(( ماكل بيضاء شحمة ))
وسأدلي بدلوي وآمل أن أوفق في الإختيار
وإخترت لكم مساجلتين من شاعرين قديرين
الشـــاعر الاول / عيــاد بن عايــش البغيلي
سرياقلم وإكتب حروف القوافي حرير= والمسك والعود والريحان مضمونها
للصاحب اللي بوسط القلب قدره كبير= وفي قمة ٍ يقصر القرناس من دونها
لبوسبيل سعد نعم الخوي والقصير= وله رفقة ٍ ماتغير لونها لونها
بيني وبينه علوم ٍ سرها وسط بير= يشيب رأس الغراب ولايعرفونها
أيام ليل الشتاء على الحبايب قصير= وأهل المحبه محبتهم يصونونها
يازين وقت ٍ مضى ليت الفلك يستدير= وتعود الأيام صاحيها ومجنونها
يابوسبيل زمان ٍ فات ذكراه غير= لكن الأيام ماتمشي على هونها
الله يذكرك ياهكالليالي بخير= يوم الأمانه يحفظ السر مأمونها
ومفرقات الشمل ومشيبات الصغير= سود ٍ تشيب رموش اللي يعدونها
أوصافها ياسعد فيها الموصف يحير= وجروحها لاتطيب ولايداوونها
تأكل مابين السماء والأرض وين المنير= والله خلقها ويعلم غيب مكنونها
وأنامدام إني أشوفك تراني بخير= ورفقتك عز وشرف والناس يشرونها
ولو إن حبر القلم ورد وذهب مع عبير= نشفن الأقلام وأنتم تستحقونها
الشـاعر الثاني هو / ســـعد بن سبيل وهاذا رده على الشاعر /عياد بن عايش البغيلي
سبحان من رجع الغائب وفك الأسير= وصخر هل القيد تطلق قيد مسجونها
بأول ليالي شهر شعبان جانا البشير= وغيم سماء الذكريات وهلت مزونها
جاب الرساله رسول الخيرتالي عصير= وخليت غيري وأنا سماع يقرونها
وشريط تسجيل شرع مغلقات الضمير= بأحلا مواويل مشتاقين للحونها
ما أحد ٍ فرح فرحتي واللي بخلقه خبير= إلا أم محكوم بأم إعتاق مضنونها
دام القواعد عزا مهما يطول المسير= موفين كيل الوفاء لابد يوفونها
وثناء البغيلي وسام ٍ ماحلم به وزير= شهادة ٍ مانبي ناس ٍ يزكونها
وماصارياذيب طار وخلك بمايصير= قبلك من الدمع عيني جف مخزونها
كم مبصر ٍ ضيع السكه وقاده ضرير= أمور تخلف حساب اللي يحسبونها
ولاعاد شفنا سميره عقب جانا سمير= ولاعاد جلابة السلعه يبيعونها
تغيير جذري بليا شك وأي تغيير=ويوم ٍ مضى تطحنه سلمى بطاحونها
وجبارة الكسر عجزوا يجبرون الكسير= ومع بوشها ضاعت الطاسه وشارونها
دقق وتأسف لجيل البيتزا والعصير= اللي يخمون رجوانا ويخطونها
لكن الأيام توقض كل غفلة غرير= دام إم غليون تشفط مابغليونها
[/COLOR]
لوحة شعر للشاعر عياد بن عايش البغيلي
العرض العادي
